#កម្ពុជា-ចិន

គិតមកទល់ពេលនេះមានរយៈពេលប្រមាណ១០ខែមកហើយ ដែលកម្ពុជា និងចិន បានអនុវត្តឆ្នាំផ្លាស់ប្ដូរប្រជាជន និងប្រជាជន ដើម្បីជំរុញការអភិវឌ្ឍសេដ្ឋកិច្ច ពាណិជ្ជកម្ម និងវិនិយោគ ក៏ដូចជាវិស័យទេសចរណ៍។ អ្នកជំនាញក្នុងវិស័យទេសចរណ៍ និងសេដ្ឋកិច្ចកត់សម្គាល់ឃើញថា នៅក្នុងអំឡុងពេលនៃការអនុវត្តឆ្នាំផ្លាស់ប្ដូរប្រជាជន និងប្រជាជនកន្លងមកនេះ ចរន្តភ្ញៀវទេសចរចិន ចូលមកកម្សាន្តនៅកម្ពុជា ពុំទាន់មានកំណើនគួរឱ្យកត់សម្គាល់នៅឡើយទេ តែការធ្វើពាណិជ្ជកម្មរវាងប្រទេសទាំងពីរហាក់មានភាពល្អប្រសើរឡើងមួយកម្រិត។