#បុណ្យចូលឆ្នាំចិន

ជារៀងរាល់ឆ្នាំឱ្យតែរដូវបុណ្យចូលឆ្នាំថ្មីប្រពៃណីចិន ខិតជិតចូលមកដល់គេសង្កេតឃើញថា តម្លៃទំនិញចាំបាច់មួយចំនួននៅលើទីផ្សារតែងតែមានការឡើងថ្លៃ។ មន្ត្រីជាន់ខ្ពស់ក្រសួងពាណិជ្ជកម្ម ទទួលស្គាល់ថា តម្លៃទំនិញមួយចំនួននៅលើទីផ្សារនាពេលនេះ ពិតជាមានការកើនឡើងជាងថ្ងៃធម្មតាបន្តិចមែន។ តែយ៉ាងណាក្រសួងបានព្រមានទុកជាមុនថា ក្រសួងនឹងចាត់វិធានការអន្តរាគមន៍ភ្លាមៗក្នុងករណីមានអាជីវករដំឡើងថ្លៃទំនិញខ្ពស់ហួសហេតុ ដើម្បីការពារផលប្រយោជន៍អ្នកប្រើប្រាស់ និងរក្សាស្ថិរភាពទីផ្សារ។