#សេដ្ឋកិច្ចកម្ពុជា២០២៣

កម្ពុជាទទួលបានចំណូលសរុបជាង១៨ពាន់លានដុល្លារពីការនាំចេញទំនិញសំខាន់ៗទៅកាន់ទីផ្សារអន្តរជាតិនៅ១០ខែឆ្នាំនេះ កើនឡើង០,២% បើធៀបទៅនឹងរយៈពេលដូចគ្នាកាលពីឆ្នាំ២០២២។ បើទោះបីជាការនាំចេញសម្លៀកបំពាក់ និងគ្រឿងបន្ទាប់បន្សំធ្វើពីក្រណាត់មានការថយចុះ ក៏ពិតមែន តែទំនិញនេះនៅតែស្ថិតក្នុងចំណាត់ថ្នាក់លេខ១ ដែលទទួលបានចំណូលច្រើនជាងគ ក្នុងចំណោមទំនិញសំខាន់ៗ ដោយទទួលចំណូលជាង៤ពាន់៥រយលានដុល្លារ ថយចុះជាង១៧% បើធៀបនឹងឆ្នាំមុន។