#សម្តេច​តេ​ជោ ហ៊ុន សែន

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បង្ហាញពីទស្សនៈចង់ធ្វើឱ្យវិស័យឯកជននៅក្នុងប្រទេសកម្ពុជាកាន់តែរឹងមាំ ដោយហេតុថា វិស័យនេះបានចូលរួមចំណែកជាច្រើនដល់ការអភិវឌ្ឍប្រទេសជាតិ តួយ៉ាង ការចូលរួមជាមួយរាជរដ្ឋាភិបាលនិងប្រជាជន ទាំងក្នុងវិស័យសុខាភិបាល វិស័យការងារ និងវិស័យជាច្រើនទៀត។ ជាក់ស្តែង សម្ដេចបញ្ជាក់ថា ដូចជាអគារមជ្ឈមណ្ឌលពហុឯកទេស «អគារតេជោអភិវឌ្ឍន៍» នៅមន្ទីរពេទ្យកាល់ម៉ែត ដែលសម្ភោធជាផ្លូវការនៅព្រឹកថ្ងៃទី២៣ ខែឧសភានេះ គឺមានការចូលរួមចំណែកជួយជាច្រើនពីសំណាក់វិស័យឯកជនកម្ពុជា។