#ថាមពលឥន្ធនៈ

ក្រោយសហរដ្ឋអាម៉េរិក សម្រេចលើកលែងទណ្ឌកម្មលើវិស័យប្រេងរបស់អ៊ីរ៉ង់ ជាបណ្តោះអាសន្ន ក្រុមអ្នកវិភាគមើលឃើញថា ទីក្រុងតេអេរ៉ង់នឹងប្រើឱកាសមាសនេះបង្ហូរធនធានប្រេង ដែលត្រូវបានបិទខ្ទប់អស់រយៈពេល៨ឆ្នាំចេញទៅទីផ្សារអន្តរជាតិ ដើម្បីប្រមូលប្រាក់ចំណូលរាប់ពាន់លានដុល្លារ។ សារព័ត៌មាន CNBC បានរាយការណ៍ថា ប្រទេសចិន នៅតែជាអតិថិជនចម្បង ខណៈដែលប្រេងឆៅរបស់អ៊ីរ៉ង់ ប្រមាណ ៦៧លានបារ៉ែល ដែលកំពុងកកស្ទះនៅលើផ្ទៃសមុទ្រ ក៏នឹងត្រូវដឹកជញ្ជូនចេញក្នុងពេលឆាប់ៗនេះដែរ។