#តម្លៃប្រេងពិភពលោក

តម្លៃប្រេងពិភពលោកបានកើនឡើង១ដុល្លារបន្ថែមទៀត នៅថ្ងៃអង្គារទី ១៨ ខែមករានេះ ដែលជាការកើនឡើងឡើងខ្ពស់បំផុតមិនធ្លាប់មានគិតក្នុងរយៈពេល៧ឆ្នាំចុងក្រោយនេះ។ បើតាមការរាយការណ៍ពីសារព័ត៌មានអន្តរជាតិធំៗ ការកើនឡើងនេះ ដោយសារតែមានក្ដីបារម្ភអំពីលទ្ធភាព ដែលអាចបង្កឲ្យមានការរំខានដល់ការផ្គត់ផ្គង់ប្រេង បន្ទាប់ពីក្រុមឧទ្ទាមហ៊ូទី នៃប្រទេសយេមែន បានវាយប្រហារទៅលើប្រទេសអារ៉ាប់រួម ដោយបង្កើននូវការប្រឈមមុខដាក់គ្នាកាន់តែខ្លាំងឡើងរវាងក្រុមសម្ព័ន្ធមិត្តអ៊ីរ៉ង់ និងក្រុមចម្រុះដឹកនាំដោយអារ៉ាប់ប៊ីសាអូឌីត។