#ឧបទ្វីបកូរ៉េ

ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានរាយការណ៍នៅថ្ងៃទី ១៦ ខែតុលានេះថា យុវជនប្រហែល ១លាន៤សែននាក់ បានដាក់ពាក្យចូលរួម ឬត្រឡប់ទៅធ្វើទាហានវិញ នៅក្នុងសប្តាហ៍នេះ នៅចំពេលដែលស្ថានការណ៍ឧបទ្វីបកូរ៉េ កំពុងឡើងកម្ដៅកាន់តែខ្លាំង នៅក្រោយពេលដែលទីក្រុងព្យុង យ៉ាង បានចោទទីក្រុងសេអ៊ូលថា ជាអ្នកបង្កហេតុដោយបានបង្ហោះយន្តហោះដ្រូនឆ្លងដែនចូលទឹកដីកូរ៉េខាងជើង នាំឱ្យមាន «ស្ថានភាពតានតឹងខិតទៅរកមាត់ជ្រោះនៃសង្រ្គាម»។ នេះបើតាមការចេញផ្សាយរបស់សារព័ត៌មានរ៉យទ័រ។