#វិស័យចិញ្ចឹមសត្វ

មកទល់ពេលនេះ ទីផ្សារគោរស់ហាក់មានភាពល្អប្រសើរជាងមុនបន្តិចហើយ ដោយការលក់ទិញលក់មានភាពងាយស្រួលជាងមុន ខណៈតម្លៃក៏បានហក់ឡើងបន្តិចផងដែរ។ ជាក់ស្ដែងការទិញគោរស់ចូលក្នុងកសិដ្ឋានមួយចំនួនក្នុងខេត្តត្បូងឃ្មុំ ត្រូវបានឈ្មួញឱ្យតម្លៃចន្លោះពី៧ពាន់រៀល ដល់៩ពាន់៥រយរៀលក្នុង១គីឡូក្រាម ពោលគឺកើនឡើងប្រមាណ១ពាន់រៀលក្នុង១គីឡូក្រាម។ ការឡើងថ្លៃនេះ ត្រូវបានអ្នកទិញអះអាងថា ដោយសារបច្ចុប្បន្នពុំសូវសម្បូរសត្វគោ ដោយសារកសិករមួយចំនួនឈប់ចិញ្ចឹមគោមេយកកូនដូចមុន។