#វិស័យថាមពល

ក្រុមហ៊ុនអគ្គិសនីគ្រប់គ្រងដោយរដ្ឋឥណ្ឌូនេស៊ី PLN បានទម្លាយឲ្យដឹងថា ខ្លួនបានចាប់ផ្ដើមសាងសង់រោងចក្រអគ្គិសនីដើរដោយថាមពលសូឡាបណ្ដែតទឹកកម្លាំងរហូតដល់ទៅ៩២មេហ្គាវ៉ាត់នៅខេត្តជ្វាខាងលិច ចម្ងាយប្រមាណ១៨០គីឡូម៉ែត្រពីរដ្ឋធានីហ្សាការតា។ ក្រុមហ៊ុននេះបានចាត់ទុកការចាប់ផ្ដើមសាងសង់រោងចក្រសូឡាបណ្ដែតទឹកនេះ គឺជាផ្នែកមួយនៃកិច្ចខិតខំប្រឹងប្រែងរបស់ឥណ្ឌូនេស៊ី ក្នុងការជំរុញការផលិត និងប្រើប្រាស់ថាមពលកកើតឡើងវិញ។ នេះបើយោងតាមការចុះផ្សាយរបស់ទីភ្នាក់ងារព័ត៌មានធំៗជាច្រើន។