ចំណូល ៩ខែនៃឆ្នាំនេះដែរ បើធៀបនឹងចំណូលកាលពីគ្រាដូចគ្នាក្នុងឆ្នាំ២០១៦ ឃើញថា កើនឡើងជាង ២៤ម៉ឺនដុល្លារ។
ការនាំចេញផលនេសាទស្រស់នៅ៩ខែឆ្នាំនេះ មានចំនួនប្រមាណ ៧ពាន់តោន កើនឡើង ១៥០តោន ធៀបនឹងគ្រាដូចគ្នាកាលពីឆ្នាំ២០១៦ ខណៈដែលការនាំចេញផលនេសាទកែច្នៃ មានចំនួនជិត ៤ពាន់តោន កើនឡើង ១៨០តោន។
ជាមួយគ្នានេះ ផលនេសាទទឹកសាបរបស់កម្ពុជាអនុវត្តបានចំនួនជិត ២៧ម៉ឺនតោន ខណៈដែលផលនេសាទសមុទ្រអនុវត្តបានជិត៨ម៉ឺន៧ពាន់តោន។
សូមជម្រាបដែរថា កម្ពុជានៅតែបន្តជាប់កាតក្រហមក្នុងការនាំចេញផលនេសាទទៅទីផ្សារអឺរ៉ុប ដោយសារតែសហភាពអឺរ៉ុបបានរកឃើញទូកនេសាទខុសច្បាប់របស់កម្ពុជា នៅលើដែនសមុទ្រហាមឃាត់ កាលពីពេលកន្លងទៅ។
យ៉ាងណាក៏ដោយ ប្រទេសថៃ ក៏ទើបទទួលបានការព្រមានកាតលឿងពីសហភាពអឺរ៉ុបផងដែរ ខណៈដែលវៀតណាមកាលពីពេលថ្មីៗនេះ បានទទួលកាតលឿងពីសហភាពអឺរ៉ុបរួចទៅហើយ។ ការទទួលបានកាតលឿងនេះ ក៏នឹងអាចធ្វើឲ្យការនាំចេញផលនេសាទសមុទ្ររបស់ប្រទេសជិតខាងកម្ពុជាទាំងពីរនេះ នឹងមានការប៉ះពាល់ផងដែរ៕
