វុធ ច័ន្ទតារា

នាយករដ្ឋមន្ត្រីថៃលោក ប្រាយុត ចាន់អូចា បានបញ្ជាក់នៅដើមសប្តាហ៍នេះថា អង្គការសុខភាពពិភពលោក អាចនឹងអនុញ្ញាតឲ្យប្រើប្រាស់ជាផ្លូវការវ៉ាក់សាំងកូវីដ-១៩របស់ប្រទេសចិន មួយប្រភេទទៀត គឺ ស៊ីណូវ៉ាក់ នៅក្នុងសប្តាហ៍នេះហើយ។ នេះបើតាមការចុះផ្សាយដោយសារព័ត៌មានក្នុងស្រុកថៃ បាងកកបុស្តិ៍។ លោកប្រាយុត លើកឡើងដូច្នេះនៅបន្ទាប់ពីលោក ទៅទទួលការចាក់វ៉ាក់សាំង AstraZeneca ដូសទីពីររបស់លោក កាលពីថ្ងៃទី២៤ឧសភានៅឯវិទ្យាស្ថានប្រយុទ្ធប្រឆាំងនឹងជំងឺឆ្លងមួយក្នុងក្រុងបាងកក។