វុធ ច័ន្ទតារា

ឯកអគ្គរដ្ឋទូតនៃប្រទេសជាសមាជិកសហភាពអឺរ៉ុបទាំង២៧ប្រទេស បានមកជួបប្រជុំគ្នាកាលពីថ្ងៃព្រហស្បតិ៍ទី១ខែមេសា ដើម្បីធ្វើការបែកចែកវ៉ាក់សាំងកូវីដ១៩របស់អាមេរិកប្រភេទ Pfizer BioNTech ចំនួន១០លានដូស ដែលក្រុមប្រទេសសហភាពអឺរ៉ុបមានសំណាងទទួលបានមុនពេលកំណត់។ នៅក្នុងកិច្ចប្រជុំនោះ មានការខ្វែងគំនិតគ្នាលើការបែកចែកវ៉ាក់សាំងទាំង១០លានដូស ដោយមានប្រទេសខ្លះចង់បានវ៉ាក់សាំងឲ្យគ្រប់ទៅនឹងចំនួនសម្រាប់ខ្លួនឯង ដោយមិនចង់សម្រួលបែងចែកឲ្យប្រទេសនៅអឺរ៉ុបដែលមានតម្រូវការច្រើនជាងនោះទេ។ នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។