ប្រទេសចិន ទើបត្រូវបានអាមេរិកដាក់ទណ្ឌកម្មលើមន្ត្រីរបស់ខ្លួនមួយចំនួន ជុំវិញសំណុំរឿងរំលោភសិទ្ធិមនុស្សជនជាតិភាគតិចអ៊ុយហ្គ័រនៅខេត្តហ្សីនជាំង។ ចំណែក ឯកូរ៉េខាងជើងវិញ ទើបនឹងបានផ្គើនអាមេរិក តាមរយៈការបាញ់សាកល្បងមីស៊ីលរបស់ខ្លួនផងដែរ គ្រាដែលអាមេរិក បានស្កាត់មកជួបសម្ព័ន្ធមិត្តរបស់ខ្លួនក្នុងគោលបំណងធំ ចង់រំសាយកម្មវិធីអាវុធនុយក្លេអ៊ែររបស់ក្រុងព្យុងយ៉ាង។
គួររំឭកផងដែរថា កន្លងមកក្រុងប៉េកាំង និងក្រុងព្យុងយ៉ាងមិនត្រឹមតែផ្អាកការដោះដូរទំនិញប៉ុណ្ណោះទេ ប្រទេសទាំង២ ថែមទាំងបានផ្អាកជើងហោះហើររវាងគ្នាថែមទៀត ដោយសារការការពារពីការរីករាលត្បាតនៃកូវីដ-១៩។
អត្ថបទទាក់ទង
សូមបញ្ជាក់ដែរថា ៩០%នៃពាណិជ្ជកម្មក្រៅប្រទេសរបស់កូរ៉េខាងជើង គឺជាការធ្វើពាណិជ្ជកម្មជាមួយចិន ខណៈដែលការនាំចេញនាំចូល រវាងប្រទេសទាំងពីរបានធ្លាក់ចុះដល់ទៅ ៨០%ទៅហើយ កាលពីឆ្នាំ២០២០ គិតជាទឹកប្រាក់ប្រមាណ ៥៤០លានដុល្លារអាមេរិក។
កូរ៉េខាងជើងរកស៊ីជាមួយចិនច្រើនលើសលុបដូច្នេះ ក៏ដោយសារតែ ចាប់ពីឆ្នាំ ២០១៧មក របបក្រុងព្យុងយ៉ាងត្រូវបានក្រុមប្រឹក្សាសន្តិសុខអង្គការសហប្រជាជាតិដាក់ទណ្ឌកម្មលើការនាំចេញទំនិញសំខាន់ជាច្រើន រួមមានរ៉ែធ្យូងថ្ម គ្រឿងសមុទ្រ និងផលិតផលវាយនភណ្ឌជាច្រើនទៀត។ ដូចនេះ ក្រុងព្យុងយ៉ាង អាចមានលទ្ធភាព នាំទំនិញបានតែទៅប្រទេសចិន ប៉ុណ្ណោះ ដោយហេតុថា ចិនមានព្រំដែនជាប់ជាមួយគ្នា ហើយចិនក៏ជាមិត្តជិតស្និទ្ធរបស់ក្រុងព្យុងយ៉ាងនេះផងដែរ។
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
