វុធ ច័ន្ទតារា

ប្រមុខការពារជាតិនៃរដ្ឋាភិបាលស្រមោលរបស់មីយ៉ាន់ម៉ា បានអំពាវនាវឱ្យមានជំនួយអន្តរជាតិក្នុងការបំពាក់អាវុធដល់កងកម្លាំងតស៊ូរបស់ខ្លួន ដែលកំពុងប្រយុទ្ធនឹងក្រុមយោធាមីយ៉ាន់ម៉ាដែលកំពុងកាន់អំណាច ក្រោយរដ្ឋប្រហារកាលពីដើមខែកុម្ភៈឆ្នាំមុន។ រដ្ឋាភិបាលស្រមោលមីយ៉ាន់ម៉ាបានចាត់ទុកការស្នើសុំនេះ ស្រដៀងគ្នានឹងការគាំទ្រលក្ខណៈយោធាទៅដល់ប្រទេសអ៊ុយក្រែន ដែលកំពុងប្រយុទ្ធនឹងការឈ្លានពានរបស់កងទ័ពរុស្ស៊ីដែរ។ នេះបើតាមការចុះផ្សាយដោយសារព័ត៌មានរ៉យទ័រ។