ហ៊ុន គន្ធថៃ

របាយការណ៍ក្រសួងការពារជាតិសហរដ្ឋអាមេរិកបានបង្ហាញថា នេះជាលើកដំបូងហើយដែលប្រទេសចិនបានរក្សាទុកនាវាមុជទឹកបំពាក់អាវុធនុយក្លេអ៊ែរ យ៉ាងហោចណាស់ ១ គ្រឿង ឱ្យធ្វើប្រតិបត្តិការជាប្រចាំនៅក្នុងសមុទ្ររបស់ខ្លួន។ ការណ៍នេះបានបន្ថែមសម្ពាធនិងបន្ទុកមួយកម្រិតទៀត សម្រាប់សហរដ្ឋអាមេរិកនិងសម្ព័ន្ធមិត្ត ក្នុងការប្រណាំងប្រជែង ក៏ដូចជាទប់ស្កាត់កំណើនផ្នែកយោធានៃមហាអំណាចចិនដែលទើបនឹងរះនេះ។ នេះបើតាមការចុះផ្សាយដោយទីភ្នាក់ងារសារព័ត៌មាន រ៉យទ័រ។