ហ៊ុន គន្ធថៃ

សហរដ្ឋអាមេរិក និងសម្ព័ន្ធមិត្តរបស់ខ្លួនបានបរាជ័យនៅអំឡុងកិច្ចចរចាមួយក្នុងប្រទេសអាល្លឺម៉ង់ ដើម្បីបញ្ចុះបញ្ចូលទីក្រុងប៊ែរឡាំង ឱ្យផ្តល់រថក្រោះប្រយុទ្ធខ្លារខិន ឬ Leopard របស់ខ្លួនដល់អ៊ុយក្រែន ដែលទីក្រុងកៀវតែងតែចង់បានយូរមកហើយនោះ។ ប៉ុន្តែបញ្ហាបញ្ជូនរថក្រោះធុនធ្ងន់នេះមិនបានសម្រេចជាផ្លូវការឡើយ ដោយក្នុងនោះ អាមេរិក និងសម្ព័ន្ធមិត្តបានព្រមព្រៀងគ្នាក្នុងការបញ្ចូនសព្វាវុធផ្សេងទៀតទៅឱ្យអ៊ុយក្រែន ជំនួសវិញ ដើម្បីបន្តដង្ហើមប្រយុទ្ធជាមួយរុស្ស៊ីក្នុងនិទាឃរដូវខាងមុខនេះតទៅទៀត។