​ ខេមបូណូមីស

កសិករដាំដំឡូងជ្វាមួយចំនួននៅខេត្តបាត់ដំបងបានរអ៊ូរទាំ ក្រោយតម្លៃដំឡូងជ្វាធ្លាក់ចុះមិនអាចផ្ដល់ប្រាក់ចំណេញដល់ពួកគេ។ បើតាមការអះអាងរបស់ក្រុមកសិករ បច្ចុប្បន្នដំឡូងជ្វាអាចលក់បានប្រមាណ៦០០រៀលក្នុង១គីឡូក្រាម ខណៈកាលពីឆ្នាំមុនអាចលក់បានប្រមាណ១,៥០០រៀលក្នុងមួយគីឡូក្រាមឯណោះ។ ជាមួយគ្នានេះ កសិករស្នើឱ្យក្រសួងស្ថាប័នពាក់ព័ន្ធជួយរកដំណោះស្រាយ និងអន្តរាគមលើបញ្ហានេះ បើពុំដូច្នេះទេពួកគេអាចប្រឈមនឹងខាតបង់។