​ ខេមបូណូមីស

កម្ពុជាទទួលបានចំណូលជិត៨០០លានដុល្លារ ពីការនាំចេញកៅស៊ូ និងផលិតផលធ្វើពីកៅស៊ូ ទៅកាន់ទីផ្សារអន្តរជាតិ នៅក្នុងរយៈពេល១១ខែ ឆ្នាំ២០២៣ មានការកើនឡើងជាង៧៤% បើធៀបនឹងរយៈពេលដូចគ្នាកាលពីឆ្នាំ២០២២។ ការកើនប្រាក់ចំណូលកៅស៊ូនេះ ត្រូវបានអ្នកជំនាញយល់ឃើញថា ដោយសារមួយរយៈកាលមកនេះកៅស៊ូមានតម្លៃថេរ ហើយកសិករបានបញ្ចេញកៅស៊ូលក់ ដោយពុំបានស្តុកទុកដូចពេលកន្លងទៅ ខណៈចម្ការកៅស៊ូពេញវ័យ ក៏ចាប់ផ្ដើមប្រមូលផលច្រើនជាងមុន និងមានកម្លាំងពលកម្មគ្រប់គ្រាន់សម្រាប់ប្រមូលផល។