​ ខេមបូណូមីស

ក្រោយសហរដ្ឋអាម៉េរិក ក្រោមរដ្ឋបាលដឹកនាំរបស់លោក ដូណាល់ ត្រាំ បានប្រកាសដាក់ពន្ធទៅវិញទៅមកលើប្រទេស និងដែនដីជាង១៨០ នៅលើពិភពលោក បានធ្វើឲ្យមានការវិភាគខ្លះលើកឡើងថា ពិភពលោកកំពុងស្ថិតក្នុងដំណាក់កាលនៃការចាប់ផ្តើមសង្រ្គាមពាណិជ្ជកម្មហើយនៅពេលនេះ។ តាំងពីលោក ដូណាល់ ត្រាំ ឡើងមកគ្រប់គ្រងសេតវិមានអាម៉េរិក ជាថ្មីកាលពីថ្ងៃទី២០ ខែមករា ឆ្នាំ២០២៥ ការដាក់ចេញគោលនយោបាយរបស់ប្រធានាធិបតីទី៤៧រូបនេះ បានបង្កជាបញ្ហាជាច្រើន និងបង្កើតភាពមិនច្បាស់លាស់សម្រាប់សេដ្ឋកិច្ចពិភពលោកកាន់តែខ្លាំង។ នេះបើយោងតាមការចុះផ្សាយរបស់សារព័ត៌មាន CNBC។