មង្គល ចាន់

និយ័តករចិន បានប្រាប់ទៅកាន់ធនាគារពាណិជ្ជធំៗទាំងអស់នៅក្នុងប្រទេសចិន ឲ្យមានការបន្ថយទំហំនៃការផ្ដល់កម្ចីនៅក្នុងឆ្នាំនេះ ដើម្បីគ្រប់គ្រងហានិភ័យដែលកំពុងកើនឡើងនៅក្នុងទីផ្សារហិរញ្ញវត្ថុក្នុងស្រុក នេះបើតាមប្រភពព័ត៌មានដែលបានបញ្ជាក់ប្រាប់ទីភ្នាក់ងារសារព័ត៌មាន Reuters។ លើសពីនេះទៀត និយ័តករហិរញ្ញវត្ថុរបស់ចិន ក៏កំពុងត្រួតពិនិត្យយ៉ាងម៉ត់ចត់ចំពោះការប្រើប្រាស់មិនត្រឹមត្រូវនៃប្រាក់កម្ចីអាជីវកម្មដែលធនាគារបានផ្ដល់ជូនទៅឲ្យអ្នកខ្ចី ដែលអ្នកខ្ចីទាំងនោះ បែរជាយកទៅធ្វើការវិនិយោគបែបផ្ទាល់ខ្លួនទៅវិញ។