សោម ស្រីពេជ្រ

បំណុលរបស់រាជរដ្ឋាភិបាលកម្ពុជា បានកើនឡើងពីមួយឆ្នាំទៅមួយឆ្នាំ ដែលសបញ្ជាក់ឱ្យឃើញថា កម្ពុជា នៅតែមានតម្រូវការទុនខ្ពស់សម្រាប់បម្រើឱ្យការអភិវឌ្ឍហេដ្ឋារចនាសម្ព័ន្ធ និងវិស័យសំខាន់ៗ សំដៅជួយជំរុញ និងពង្រីកការធ្វើពាណិជ្ជកម្ម និងសេដ្ឋកិច្ចរបស់កម្ពុជា។ ជាក់ស្តែង គិតត្រឹមត្រីមាសទី៣ ឆ្នាំ២០២៤នេះ សន្និធិបំណុលរបស់រាជរដ្ឋាភិបាលកម្ពុជា បានកើនដល់ជាង១១ពាន់៦រយលានដុល្លារអាម៉េរិក ខណៈចិន នៅតែជាម្ចាស់បំណុលធំជាងគេរបស់កម្ពុជា។ តើបំណុលសាធារណៈរបស់កម្ពុជា ក្នុងកម្រិតជាង១១ពាន់៦រយលានដុល្លារនេះជាបំណុលវ័ណ្ឌក ឬយ៉ាងណា?