សោម ស្រីពេជ្រ

គម្រោងព្រែកជីកហ្វូណនតេជោ ដែលជាគម្រោងនាវាចរណ៍ប្រវត្តិសាស្ត្ររបស់កម្ពុជា នឹងក្លាយជាសរសៃឈាមដ៏សំខាន់មួយសម្រាប់កម្ពុជាក្នុងការលើកកម្ពស់ជីវភាពប្រជាជន និងជំរុញកំណើនសេដ្ឋកិច្ចតាមរយៈការជំរុញភាពប្រកួតប្រជែងក្នុងវិស័យដឹកជញ្ជូន ពាណិជ្ជកម្ម ទេសចរណ៍ កសិកម្ម អចលនទ្រព្យ ក៏ដូចជាទាក់ទាញការវិនិយោគពីបរទេស។ តែយ៉ាងណាអ្នកជំនាញក្នុងវិស័យអចលនទ្រព្យក្រើនរំលឹកឱ្យអ្នកវិនិយោគគួរមានការប្រុងប្រយ័ត្ន និងសិក្សាឱ្យបានល្អិតល្អន់មុនវិនិយោគលើវិស័យអចលនទ្រព្យនៅតំបន់គម្រោងព្រែកជីកហ្វូណនតេជោនេះ ដើម្បីបញ្ចៀសផលប៉ះពាល់ផ្សេងៗ។