តើ​អ្នក​ដឹងទេ?

កម្ពុជានឹងរៀបចំជាលើកដំបូងនូវព្រឹត្តិការណ៍ «ទិវាជាតិ វិទ្យាសាស្ត្រ បច្ចេកវិទ្យា និងនវានុវត្តន៍»ដែលគ្រោងប្រារព្វធ្វើឡើងនៅថ្ងៃទី២៦ ខែមីនា ឆ្នាំ២០២៣ ខាងមុខ។ ព្រឹត្តិការណ៍នេះ នឹងបង្កើនការចាប់អារម្មណ៍ និងទាក់ទាញបន្ថែមទៀតដល់ការសិក្សាស្រាវជ្រាវ ការប្រឡងប្រណាំង និងការជំរុញល្បឿនអភិវឌ្ឍវិស័យវិទ្យាសាស្ត្រ បច្ចេកវិទ្យា និងនវានុវត្តន៍ បង្កើតជាកាលានុវត្តភាពសម្រាប់ធ្វើធុរកិច្ចនិងវិនិយោគ រួមចំណែកដល់ការជំរុញល្បឿនអភិវឌ្ឍសេដ្ឋកិច្ច សង្គម លើគ្រប់វិស័យប្រកបដោយបរិយាប័ន្ន។