ឯកឧត្ដម ទិត ចន្ថា រដ្ឋលេខាធិការប្រចាំការនៃក្រសួងទេសចរណ៍ បានបញ្ជាក់ឲ្យដឹងនាពេលថ្មីៗនេះថា គម្រោងសាងសង់កំពង់ផែទេសចរខេត្តកំពត គិតមកទល់ពេលនេះ សម្រេចបានការសាងសង់ជាង ៨៩% និងគ្រោងបញ្ជប់ការសាងសង់នៅថ្ងៃទី៣០ ខែមិថុនា ឆ្នាំ២០២២ ខាងមុខនេះ។
កំពង់ផែទេសចរណ៍អន្តរជាតិខេត្តកំពត ចំណាយទឹកប្រាក់ប្រមាណជិត ១០ លានដុល្លាអាមេរិក ដែលជាការសហការ រវាងរាជរដ្ឋាភិបាលកម្ពុជានិងដៃគូសហការធនាគារអភិវឌ្ឍន៍អាស៊ី(ADB) ។ ហើយគម្រោងសាងសង់ធ្លាប់បានកំណត់ថា ត្រូវសម្រេចការសាងសង់ តាំងពីខែមិថុនាមកម្លេះ ក៏ប៉ុន្តែដោយសារតែកូវីដ១៩ ទើបធ្វើឲ្យមានការពន្យាពេលនៃការសាងសង់ ដែលបន្តអូសបន្លាយរហូត ពាក់កណ្ដាលឆ្នាំ២០២២វិញ។អត្ថបទគួរអាន
យ៉ាងណាមិញក្រោយបញ្ចប់ការសាងកំពង់ផែទេសចរណ៍អន្តរជាតិនេះរួច និងដាក់ឲ្យដំណើរការនោះ វាបានចូលរួមចំណែកជាដល់សេដ្ឋកិច្ច និងទេសចរណ៍នៅក្នុងខេត្តកំពតកាន់តែមានការរីកចម្រើនបន្ថែមទៀត ព្រោះថាទីតាំងនៃកំពង់ផែនេះ និងជួយដល់ការទាក់ទាញនូវភ្ញៀវទេសជាតិ និងអន្តរជាតិ ជាពិសេសភ្ញៀវនៃប្រទេសជិតខាងកម្ពុជា រួមមាន ប្រទេសថៃ និងវៀតណាមជាដើម។
តាមរបាយការណ៍របស់ធនាគារអភិវឌ្ឍន៍អាស៊ី(ADB) ដែលធ្លាប់បានចេញផ្សាយនាពេលកន្លងមកបានបង្ហាញថាថា កំពង់ផែនេះ នឹងអាចផ្ដល់សេវាកម្មទេសចរណ៏ជូនភ្ញៀវទេសចរណ៍ជាតិ និងអន្តរជាតិប្រមាណជាង៣៦ម៉ឺននាក់នៅក្នុង១ឆ្នាំផងដែរ។
គួរបញ្ជាក់ថា កំពង់ផែទេសចរណ៍អន្តរជាតិខេត្តកំពតនេះមានជម្រៅជាង៤ម៉ែត្រ និងមានទីតាំងស្ថិតនៅក្នុងនៅស្រុកទឹកឈូ ខេត្តកំពត ដែលមានចម្ងាយប្រមាណ៦គីឡូម៉ែត្រពីទីរួមខេត្តកំពត និងបានសាង់សង់លើផ្ទៃដីសរុបចំនួន៤ហិកតា ផងដែរ៕
អត្ថបទ ហួន ស្រីនីត
None
