គណៈកម្មាធិការគោលនយោបាយរូបិយវត្ថុ (MPC) របស់ធនាគារកណ្តាលថៃបានដំឡើងអត្រាការប្រាក់បន្ថែម ០,២៥% កាលពីថ្ងៃពុធ ទី៣១ ខែឧសភា ជាលើកទី៣នៅឆ្នាំនេះដោយបានឡើងដល់ ២% ដោយសារគណៈកម្មាធិការនេះយល់ថា សេដ្ឋកិច្ចថៃទទួលបានកំណើនសេដ្ឋកិច្ចល្អប្រសើរបើធៀបនឹងឆ្នាំមុន ហើយវាថែមទាំងអាចកើនលើសពីការព្យាកររបស់ខ្លួនផងដែរ។ នេះបើតាមការបញ្ជាក់របស់ក្រុមហ៊ុនមូលបត្រ KGI ។
លោក ប្រាក្រម ផាថមប៊ន (Pragrom Pathomboorn) សេដ្ឋវិទូជាន់ខ្ពស់របស់ក្រុមហ៊ុនមូលបត្រ KGI បាននិយាយថា គណៈកម្មាធិការគផោលនយោបាយរូបិយវត្ថុរបស់ថៃ បានដំឡើងអត្រាការប្រាក់របស់ខ្លួន ទោះជាសេដ្ឋកិច្ចពិភពលោកកំពុងបង្ហាញសញ្ញានៃការធ្លាក់ចុះក៏ដោយ ខណៈដែលតម្លៃនាំចេញរបស់ថៃវិញ បានធ្លាក់ចុះក្នុងកម្រិតមធ្យមក្នុងខែមេសា ហើយសន្ទស្សន៍ផលិតកម្មរោងចក្រផលិត (MPI) បានធ្លាក់ចុះយ៉ាងខ្លាំង។ ទោះយ៉ាងណា ការដំឡើងអត្រាការប្រាក់ ក៏បានធ្វើឲ្យអតិផរណាបានធ្លាក់ចុះគួរឱ្យកត់សម្គាល់កាលពីខែមេសា។
សេដ្ឋវិទូរូបនេះបានបន្ថែមថា ទោះជាអតិផរណារួម (Headlines Inflation) បានធ្លាក់ចុះក៏ពិតមែន ប៉ុន្តែ អតិផរណាជាស្នូល (Core Inflation) នៅតែកើនខ្ពស់នៅឡើយ ហើយថា ហានិភ័យអតិផរណាមួយចំនួនបានកើតឡើង ដោយសារតែរងសម្ពាធតម្រូវការកាន់តែខ្លាំងនៅចំពេលសកម្មភាពសេដ្ឋកិច្ចកើនឡើង និងចំណាយកាន់តែខ្ពស់ ព្រោះតែមានសម្ពាធនៃការផ្គត់ផ្គង់។
លោក ប្រាក្រម បានកត់សម្គាល់ថា សម្ពាធអតិផរណាបណ្ដាលមកពីតម្រូវការ និងការផ្គត់ផ្គង់បានបន្តកើនឡើង ហើយការកើនឡើងនូវប្រាក់កម្ចីមិនដំណើរការ (NPLs) អាចត្រូវបានគ្រប់គ្រងបាន តាមរយៈវិធានការកំណត់គោលដៅ និងការដោះស្រាយបំណុលប្រកបដោយនិរន្តរភាពសម្រាប់ក្រុមដែលងាយរងគ្រោះ។
អត្ថបទគួរអាន
សេដ្ឋវិទូរូបនេះបានបង្ហាញថា គណៈកម្មាធិការគោលនយោបាយរូបិយវត្ថុរបស់ថៃ អាចនឹងដំឡើងអត្រាការប្រាក់គោលរបស់ខ្លួនបន្ថែម ០,២៥% ទៀត ដើម្បីឱ្យឡើងដល់ ២,២៥% នៅក្នុងកិច្ចប្រជុំនៅថ្ងៃទី២ ខែសីហាឆ្នាំនេះ។
លោក ប្រាក្រម បាននិយាយថា ការធ្លាក់ចុះអតិផរណាជាបន្តបន្ទាប់ និងកំណើន GDP ទាបនៅត្រឹម ២,៧% នៅក្នុងត្រីមាសទី១ឆ្នាំនេះបើធៀបនឹងពេលដូចគ្នាកាលពីឆ្នាំមុននោះ គឺមានន័យថា ការបង្កើនអត្រាការប្រាក់គោលនេះ អាចរារាំងដល់កំណើន និងស្ថិរភាពសេដ្ឋកិច្ច ជាជាងការមិនដំឡើងអត្រាការប្រាក់បន្ថែមទៀត៕
ប្រទេសវៀតណាម គឺជាទីផ្សារគោលដៅដ៏សំខាន់មួយ ក្នុងការនាំចេញផលិតផលកសិកម្មរបស់កម្ពុជា ជាពិសេសផលិតផលកសិកម្មដែលមិនទាន់កែច្នៃ ក្នុងនោះរួមមាន ផលិតស្រូវរបស់កម្ពុជា ផងដែរ។ យ៉ាងណាមិញ នាពេលថ្មីៗនេះ រដ្ឋាភិបាលវៀតណាម មានបំណងកាត់បន្ថយការនាំចេញអង្កររបស់ខ្លួនពីជាង ៧លានតោន ក្នុងឆ្នាំ២០២២ ឱ្យមកនៅត្រឹម ៤លានតោន ក្នុងមួយឆ្នាំវិញត្រឹមឆ្នាំ២០៣០ ក្នុងគោលបំណងជំរុញការនាំចេញអង្ករមានគុណភាពខ្ពស់ ធានាសន្តិសុខស្បៀងក្នុងស្រុក ការពារបរិស្ថាន និងសម្របខ្លួនទៅនឹងការប្រែប្រួលអាកាសធាតុ ៕
