ទំហំទីផ្សារទុរេនត្រូវបានរំពឹងថា នឹងកើនដល់ជិត៥០ពាន់លានដុល្លារនៅត្រឹមឆ្នាំ២០៣៣
ទុរេន ដែលពីមុនមានទីផ្សារតែក្នុងតំបន់អាស៊ីអាគ្នេយ៍ តែពេលនេះត្រូវបានពង្រីកទៅកាន់តំបន់ផ្សេងៗនៃពិភពលោក ជាមួយនឹងការរំពឹងទំហំទីផ្សាររបស់វ…
កម្មវិធីដ៏វិសេសវិសាលនេះ ត្រូវបានអញ្ជើញចូលរួមពីសំណាក់លោក សុខ វឿន ប្រធាននាយកប្រតិបត្តិ រួមទាំងថ្នាក់ដឹកនាំ អិលអូអិលស៊ី លោកគ្រូអ្នកគ្រូ និងសិស្សានុសិស្សជាច្រើនរូបទៀត។ សម្ភារៈសិក្សា ដែលត្រូវបានចែកជូនសម្រាប់សិស្សានុសិស្សសរុបចំនួន៣,៤០០នាក់រួមមាន កាតាបចំនួន ៣,៤០០ កាតាប និងសៀវភៅចំនួន ៣៤,០០០ក្បាល។
លោក សុខ វឿន បានមានប្រសាសន៍ថា «នៅអិលអូអិលស៊ី យើងជឿជាក់ថា ការអប់រំ គឺជាសរសរស្ដម្ភនៃការអភិវឌ្ឍ និងជាគ្រឹះទៅកាន់អនាគតដ៏ភ្លឺស្វាង ហើយអិលអូអិលស៊ី យល់ឃើញថា ក្មួយៗទាំងអស់នៅទីនេះ សុទ្ធសឹងតែជាទំពាំងស្នងឬស្សី ដែលនឹងក្លាយខ្លួនជាសរសរទ្រូងដ៏រឹងមាំ ដើម្បីរួមចំណែកអភិវឌ្ឍប្រទេសជាតិយើងនាពេលអនាគត ហើយការសិក្សារបស់ក្មួយៗនៅគ្រប់កម្រិតស័ក្ដិសមនឹងទទួលបានការយកចិត្តទុកដាក់ខ្ពស់។»
អិលអូអិលស៊ី តែងតែមានការគិតគូខ្ពស់ ក្នុងការរួមចំណែកអភិវឌ្ឍវិស័យអប់រំ ដោយកន្លងមក គ្រឹះស្ថានមីក្រូហិរញ្ញវត្ថុដ៏ធំជាងគេមួយនេះ បានរៀបចំនូវកម្មវិធីសំខាន់ៗជាច្រើន ដើម្បីជួយគាំទ្រ និងលើកកម្ពស់វិស័យអប់រំនៅកម្ពុជា ដូចជា ការផ្ដល់ជាសម្ភារៈសិក្សាដល់សាលារៀន ជាពិសេសសាលារៀននៅតាមទីជនបទ ផ្ដល់ជាមធ្យោបាយធ្វើដំណើរដល់សិស្សានុសិស្ស និងឧបត្ថម្ភជាសម្ភារៈចាំបាច់នានាដល់សាលារៀនជាដើម។
គួររំឭកថា កាលពីពេលថ្ងៃទី ១០ ខែ ធ្នូ ឆ្នាំ២០២៤ អិលអូអិលស៊ី ក៏ទើបតែបានរៀបចំនូវកម្មវិធីប្រគល់រង្វាន់កុំព្យូទ័រ និងបណ្ណសរសើរ ដល់សិស្សានុសិស្សទទួលបាននិទ្ទេស A ក្នុងការប្រលងសញ្ញាបត្រមធ្យមសិក្សាទុតិយភូមិ ឆ្នាំ២០២៤ ចំនួន ៤៦ នាក់ ដែលពួកគេសុទ្ធសឹងជាកូនៗរបស់ អតិថិជនរបស់គ្រឹះស្ថានមីក្រូហិរញ្ញវត្ថុ LOLC។
តាមរយៈគោលជំហរ និងសកម្មភាពជាក់ស្ដែងទាំងនេះ បានឆ្លុះបញ្ចាំងឲ្យឃើញយ៉ាងច្បាស់ពីការប្ដេជ្ញាចិត្តដ៏មោះមុតរបស់ អិលអូអិលស៊ី ក្នុងការរួមចំណែកអភិវឌ្ឍធនធានមនុស្ស ក៏ដូចជាវិស័យអប់រំនៅកម្ពុជា ដើម្បីបង្កើតបាននូវមូលធនមនុស្ស ដែលពោរពេញទៅដោយសមត្ថភាព ជំនាញ និងទេពកោសល្យ សម្រាប់ការរួមចំណែកអភិវឌ្ឍសង្គម និងសេដ្ឋកិច្ចជាតិ ស្របទៅតាមគោលនយោបាយរបស់រាជរដ្ឋាភិបាលកម្ពុជាក្នុងការប្រែក្លាយកម្ពុជាទៅជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងចំណូលខ្ពស់នៅឆ្នាំ២០៥០៕
