ព័ត៌មាន

ឧស្សាហកម្មនេសាទដ៏មហិមារបស់ប្រទេសថៃ ដែលមានតម្លៃរាប់ពាន់លានដុល្លារកំពុងស្ថិតក្នុងស្ថានភាពដង្ហក់ និងប្រឈមនឹងការគាំងដំណើរការទាំងស្រុង ដោយសារតែវិបត្តិថាមពលសកល។ យោងតាមការចុះផ្សាយរបស់សារព័ត៌មាន VN Express អ្នកនេសាទថៃបានព្រមានថា ទូកនេសាទរាប់ពាន់គ្រឿងនឹងត្រូវបង្ខំចិត្តបញ្ឈរចោលក្នុងពេលឆាប់ៗនេះ ប្រសិនបើគ្មានអន្តរាគមន៍បន្ទាន់ពីរដ្ឋាភិបាល ខណៈដែលតម្លៃប្រេងម៉ាស៊ូតបានហក់ឡើងខ្ពស់កប់ពពក ក្រោយផ្ទុះសង្រ្គាមនៅមជ្ឈិមបូព៌ា។