យន្តហោះផ្ទុកអ្នកដំណើរប្រមាណ៦០នាក់មួយគ្រឿងបានបុកជាមួយឧទ្ធម្ភាគចក្រយោធានៅលើអាកាសធ្លាក់ចូលទៅក្នុងទឹកទន្លេ នៅសហរដ្ឋអាម៉េរិក

យោងតាមសេចក្ដីរាយការណ៍បឋមបានឱ្យដឹងថា ភ្លាមៗទូកសង្គ្រោះ និងនាវាពន្លត់អគ្គិភ័យត្រូវបានបញ្ជូនទៅកាន់កន្លែងកើតហេតុដើម្បីរុករក និងជួយសង្គ្រោះជនរងគ្រោះនៅក្នុងទន្លេប៉ូតូម៊ែក។ ទោះជាយ៉ាងណា ភ្លាមៗមិនទាន់មានសេចក្ដីរាយការណ៍អំពីអ្នកស្លាប់ និងរបួសនោះទេនៅក្នុងឧបទ្ទវហេតុនេះ ប៉ុន្តែការហោះហើរ និងការចុះចតទាំងអស់នៅអាកាសយានដ្ឋាននៅជិតទីក្រុងវ៉ាស៊ីនតោន នេះត្រូវបានផ្អាកជាបណ្ដោះអាសន្ន ខណៈដែលឧទ្ធម្ភាគចក្រមកពីគ្រប់ភ្នាក់ងារសង្គ្រោះក្នុងតំបន់មូលដ្ឋានបានហោះទៅកាន់កន្លែងកើតហេតុ ដើម្បីស្វែងរកអ្នកនៅរស់រានមានជីវិត។

រដ្ឋបាលអាកាសចរណ៍សហព័ន្ធរបស់សហរដ្ឋអាម៉េរិក បានបញ្ជាក់ថា ឧបទ្ទវហេតុនេះពិតជាបានកើនឡើងមែនកាលពីវេលាម៉ោងប្រមាណ៩យប់ថ្ងៃពុធ ម៉ោងនៅក្នុងស្រុក។ ហើយតាមរយៈការផុសមួយនៅលើបណ្ដាញទំនាក់ទំនងសង្គម ក្រុមហ៊ុនអាកាសចរណ៍អាម៉េរិក American Airlines បានបញ្ជាក់ថា យន្តហោះដឹកអ្នកដំណើរដែលជួបគ្រោះថ្នាក់នោះ គឺជាជើងហោះហើរមួយរបស់ខ្លួន ហើយខ្លួននឹងផ្ដល់ព័ត៌មានលម្អិតតាមក្រោយ៕

ដោយ: តែម សុខុម