ព្រឹត្តិការណ៍សន្និសីទអ្នកអភិវឌ្ឍន៍កម្មវិធី និងពិព័រណ៍បច្ចេកវិទ្យា
បណ្ឌិត្យសភាបច្ចេកវិទ្យាឌីជីថលកម្ពុជា (CADT) ដោយមានការគាំទ្រពីក្រសួងប្រៃសណីយ៍ និងទូរគមនាគមន៍ សហការជាមួយទីភ្នាក់ងារជំនួយអាមេរិក (USAID)…
ការរីកចម្រើនផ្នែកបច្ចេកវិទ្យាយ៉ាងឆាប់រហ័សបានធ្វើឱ្យសមត្ថភាពទូរស័ព្ទរបស់យើងមានភាពប្រសើរឡើងយ៉ាងខ្លាំង។ វាគ្រាន់តែជាបញ្ហានៃពេលវេលាប៉ុណ្ណោះដែលក្រុមហ៊ុនផលិតហ្គេមត្រូវការដើម្បីតាមឱ្យទាន់បច្ចេកវិទ្យាទាំងនេះ ដោយផលិតហ្គេមលើឧបករណ៍ចល័តដ៏អស្ចារ្យ ដើម្បីទាក់ទាញចំណាប់អារម្មណ៍របស់ទស្សនិកជននៅទូទាំងពិភពលោក។ បច្ចុប្បន្ននេះ ហ្គេមលើឧបករណ៍ចល័តសន្សឹមៗកំពុងក្លាយជាជម្រើសដ៏ពេញនិយមបំផុតមួយនៃការកម្សាន្ត។ អ្វីដែលគួរឱ្យភ្ញាក់ផ្អើលនោះ គឺមិនមានការកំណត់អាយុក្នុងការលេងហ្គេមឡើយ។ ស្ថិតិបង្ហាញថា មនុស្សគ្រប់ជំនាន់រីករាយនឹងការចំណាយពេលវេលាក្នុងការដោះស្រាយល្បែងផ្គុំរូប និងទទួលបានពិន្ទុខ្ពស់នៅក្នុងហ្គេមឌីជីថលដែលពួកគេចូលចិត្ត។ ហ្គេមដែលអាចលេងដោយឥតគិតថ្លៃគឺជាជម្រើសដ៏ពេញនិយមបំផុតក្នុងចំណោមអ្នកលេង ហើយការផ្សាយពាណិជ្ជកម្មក្នុងអ៊ែបបានក្លាយជាទិដ្ឋភាពសំខាន់នៃការធ្វើទីផ្សារ។
អ្នកទីផ្សារជំនាញនឹងស្វែងរកឱកាសផ្សាយពាណិជ្ជកម្មនៅក្នុងនិន្នាការណាមួយ ហើយវាច្បាស់ណាស់ថា ហ្គេមលើឧបករណ៍ចល័តបង្ហាញនូវឱកាសដ៏អស្ចារ្យមួយដើម្បីឈានទៅដល់ទស្សនិកជនកាន់តែទូលំទូលាយនៅគ្រប់ក្រុមអាយុផ្សេងៗគ្នា។ លើសពីនេះទៀត ការផ្សាយពាណិជ្ជកម្មក្នុងអ៊ែបត្រូវបានបង្ហាញរួចហើយថាជាយុទ្ធសាស្ត្រធ្វើទីផ្សារដ៏ជោគជ័យ។ អ៊ែបកំពុងបង្កើតប្រាក់ចំណេញយ៉ាងច្រើនសម្រាប់អ្នកបង្កើតអ៊ែប។ ក្នុងឆ្នាំ២០២០ ប្រាក់ចំណូលសរុបពីអ៊ែបទូរស័ព្ទបានកើនឡើងដល់ ៥៨២ពាន់លានដុល្លារ។ លើសពីនេះ ការផ្សាយពាណិជ្ជកម្មក្នុងអ៊ែបមានសារៈសំខាន់សម្រាប់អ្នកអភិវឌ្ឍន៍អ៊ែប។ ដោយសារហ្គេមលើឧបករណ៍ចល័ត និងអ៊ែបទូរស័ព្ទស្មាតហ្វូនភាគច្រើនអាចទាញយកបានដោយមិនគិតថ្លៃ អ្នកបង្កើតអ៊ែបចាំបាច់ត្រូវទាញយកប្រយោជន៍ពីការផ្សាយពាណិជ្ជកម្មចំពោះផលិផល។ ម្យ៉ាងវិញទៀត អ្នកទីផ្សារពឹងផ្អែកលើឱកាសប្រជាសាស្រ្តនិងទស្សនិកជនដ៏ធំសម្បើមនៅក្នុងសហគមន៍ហ្គេម និងឌីជីថល។
ជាមួយនឹងអ្វីដែលបានលើកឡើងនេះ ហ្គេមលើទូរស័ព្ទចល័តមានសក្តានុពលដែលមិនអាចប្រៀបផ្ទឹមបានក្នុងការឈានដល់ទស្សនិកជនគ្រប់ក្រុមអាយុពីប្រជាសាស្រ្តផ្សេងៗ។ ដូច្នេះហើយការផ្សាយពាណិជ្ជកម្មនៅលើភ្លែតហ្វមឧបករណ៍ចល័តមានលទ្ធភាពឈានដល់អ្នកប្រើប្រាស់រាប់លាននាក់ និងអភិវឌ្ឍមូលដ្ឋានអតិថិជនដ៏រឹងមាំ។ ភាពពេញនិយមរបស់ហ្គេមលើឧបករណ៍ចល័តកំពុងកើនឡើងដល់កម្រិតថ្មីៗ។ កត្តានេះបង្កើតឱ្យមានឱកាសមួយសម្រាប់អ្នកទីផ្សារដើម្បីផ្សព្វផ្សាយម៉ាកយីហោ ព្រឹត្តិការណ៍ និងផលិតផលនៅក្នុងកម្រិតសកលលោក។
ការផ្សាយពាណិជ្ជកម្មជាមួយក្រុមហ៊ុន AdColony
ក្រុមហ៊ុន AdColony ផ្តល់ជូនអ្នកផ្សាយពាណិជ្ជកម្មនូវវីដេអូ HD ដែលចាក់ភ្លាមៗប្រកបដោយភាពច្នៃប្រឌិត ដោយធានាថានឹងទាក់ទាញចំណាប់អារម្មណ៍អ្នកប្រើប្រាស់។ លទ្ធផលនៃការផ្សាយពាណិជ្ជកម្មក្នុងហ្គេមលើឧបករណ៍ចល័តគឺជាយុទ្ធសាស្ត្រធ្វើទីផ្សារដ៏អស្ចារ្យ ដោយបង្កើនការយល់ដឹងអំពីម៉ាកយីហោ និងផ្តល់ព័ត៌មានពាណិជ្ជកម្ម។ លើសពីនេះ ក្រុមហ៊ុន AdColony បង្ហាញទម្រង់ផ្សាយពាណិជ្ជកម្មជាច្រើនសម្រាប់អ្នកទីផ្សារធ្វើការជ្រើសរើស។ វីដេអូពេញអេក្រង់ដែលដំណើរការលើឧបករណ៍ចល័តគឺជាជម្រើសផ្សាយពាណិជ្ជកម្មដ៏ពេញនិយមបំផុតសម្រាប់ម៉ាកយីហោនានា។ លើសពីនេះទៀត មុខងារបន្ថែម «Dynamic end card» បន្ថែមស្រទាប់ច្នៃប្រឌិតនៅចុងបញ្ចប់នៃវីដេអូ ដែលទំនាក់ទំនងរបស់អ្នកប្រើប្រាស់ជាមួយការផ្សាយពាណិជ្ជកម្មកើនឡើងយ៉ាងខ្លាំង។ ឱកាសផ្សេងទៀតរបស់ក្រុមហ៊ុន AdColony រួមមាន Aurora HD, Aurora HD Playable's, Interstitial displays និងផ្ទាំងប៊ែននឺ។ ប្រព័ន្ធផ្សាយពាណិជ្ជកម្មរបស់ក្រុមហ៊ុន AdColony អាចផ្តល់អត្ថប្រយោជន៍យ៉ាងច្រើនដល់យុទ្ធនាការរបស់អ្នក។
វីដេអូទំនាក់ទំនងគុណភាពខ្ពស់នឹងទាក់ទាញចំណាប់អារម្មណ៍របស់អ្នកប្រើប្រាស់ភាគច្រើន។ ទោះជាយ៉ាងណា ការសិក្សាបង្ហាញថា វីដេអូណាដែលវែងជាង ១០វិនាទី នឹងបាត់បង់ចំណាប់អារម្មណ៍របស់អ្នកមើល។ ទាំងនេះគឺជាឧបសគ្គដ៏លំបាកក្នុងការឆ្លងផុតពីទស្សនៈរបស់អ្នកផ្សាយពាណិជ្ជកម្ម។ ទោះបីជាយ៉ាងណា លទ្ធផលនៃការផ្សាយពាណិជ្ជកម្មដែលអាចចាក់បាន ត្រូវបានបង្ហាញថាទទួលបានជោគជ័យក្នុងការជំរុញប្រាក់ចំណូល។ លើសពីនេះទៀត បច្ចេកវិទ្យាផ្សាយពាណិជ្ជកម្មដែលអាចចាក់បាន មានឥទ្ធិពលវិជ្ជមានលើទិដ្ឋភាពជាច្រើននៃឧស្សាហកម្មនេះ។ ផលចំណេញពីការវិនិយោគ (RoI) ការបំប្លែង និងចំនួននៃការទាញយកគឺគ្រាន់តែជាអត្ថប្រយោជន៍មួយចំនួនប៉ុណ្ណោះ។
ទម្រង់ដ៏មានប្រជាប្រិយភាពបំផុតនៃការធ្វើទីផ្សារគឺការប្រើប្រាស់វីដេអូពេញអេក្រង់។ ដោយសារការវិវឌ្ឍរបស់បច្ចេកវិទ្យាដែលអាចវាស់វែងការផ្សារភ្ជាប់ទំនាក់ទំនងជាមួយវីដេអូបាន អ្នកផ្សាយពាណិជ្ជកម្មអាចចូលប្រើទិន្នន័យពីក្រុមផ្សេងៗដូចជា អ្នកលេងហ្គេម អ្នកចូលចិត្តបច្ចេកវិទ្យា និងអ្នកប្រើប្រាស់ឧបករណ៍ចល័តជាដើម។ នេះគឺជាទិដ្ឋភាពសំខាន់នៃការធ្វើទីផ្សារឌីជីថល ហើយព័ត៌មានមានសារៈសំខាន់ក្នុងការបង្កើតមាតិកាដែលទាក់ទាញ។ ប្រព័ន្ធផ្សាយពាណិជ្ជកម្មរបស់ក្រុមហ៊ុន AdColony រួមជាមួយនឹងទិន្នន័យវិភាគលម្អិត ផ្តល់ជូនអ្នកទីផ្សារនូវអត្ថប្រយោជន៍មួយក្នុងការឈានដល់ទស្សនិកជននៅទូទាំងពិភពលោកតាមរយៈបណ្តាញលេងហ្គេម។
ការផ្សាយពាណិជ្ជកម្មប្រកបដោយភាពច្នៃប្រឌិតជួយម៉ាកយីហោនានាឱ្យផ្សារភ្ជាប់ជាមួយអ្នកប្រើប្រាស់ ដែលនៅទីបំផុតជួយអ្នកផ្សាយពាណិជ្ជកម្មក្នុងការសម្រេចបានគោលដៅរបស់ពួកគេ។ ម្យ៉ាងវិញទៀត ការផ្សាយពាណិជ្ជកម្មក្នុងអ៊ែប (in-app commercials) ជំរុញប្រាក់ចំណូលសម្រាប់អ្នកបង្កើតអ៊ែប។ ការចំណាយលើអ៊ែបទូរស័ព្ទ (mobile apps) និងការផ្សាយពាណិជ្ជកម្មជាវីដេអូបានកើនឡើងដល់ជាង ១៨ពាន់លានដុល្លារក្នុងឆ្នាំ២០២១ ដែលកើនឡើង ១១% បើធៀបនឹងឆ្នាំមុន។ កត្តានេះបានជះឥទ្ធិពលដល់ឧស្សាហកម្មនេះយ៉ាងខ្លាំង ដែលបណ្តាញទំនាក់ទំនងសង្គមធំៗ និងភ្លែតហ្វមផ្សាយបន្តផ្ទាល់ពេញនិយមនានាកំពុងចាប់ផ្តើមផ្សាយពាណិជ្ជកម្មជាមួយនឹងវីដេអូខ្លីៗ។ ក្រុមហ៊ុន Snapchat បានបណ្តាក់ទុនយ៉ាងច្រើនលើទំព័ររបកគំហើញរបស់ខ្លួនដែលបង្កើតបានជាទីតាំងដ៏ល្អឥតខ្ចោះសម្រាប់ការផ្សាយពាណិជ្ជកម្មជាវីដេអូទំនាក់ទំនង ហើយក្រុមហ៊ុន YouTube បានសម្រេចចិត្តរុញមាតិកាពាណិជ្ជកម្មទៅកាន់បណ្តាញដែលមិនមែនជាដៃគូ។ ក្រុមហ៊ុនបានដឹងថា អនាគតនៃការផ្សាយពាណិជ្ជកម្មស្ថិតនៅក្នុងដៃរបស់វីដេអូទំនាក់ទំនងខ្លីៗ។
គួរកត់សម្គាល់ថា អ្នកទីផ្សារអាចទាញយកអត្ថប្រយោជន៍ពី “បញ្ជីមិនរាប់បញ្ចូល” ដើម្បីធានាបាននូវគោលការណ៍សុវត្ថិភាពម៉ាកយីហោនៅលើភ្លែតហ្វម។ ក្រុមហ៊ុន AdColony គឺជាប្រព័ន្ធដែលគួរឱ្យគោរព ដោយធានាថា ម៉ាកយីហោណាមួយដែលពាក់ព័ន្ធនឹងមាតិកាសម្រាប់មនុស្សពេញវ័យ នឹងមិនត្រូវបានបង្ហាញឱ្យអនីតិជនឃើញទេ។ ក្រុមហ៊ុន AdColony ផ្តល់ដំណោះស្រាយដើមដល់ការផ្សាយពាណិជ្ជកម្មនានា ដូចជាមាតិកាទំនាក់ទំនង ដែលអ្នកប្រើប្រាស់អាចភ្ជាប់អារម្មណ៍ជាមួយផលិតផល ឬសេវាកម្ម។ ដោយប្រើប្រាស់បច្ចេកវិទ្យាទំនើប ក្រុមហ៊ុន AdColony ពង្រីកវិសាលភាពនៃយុទ្ធនាការផ្សាយពាណិជ្ជកម្មរបស់អ្នកឱ្យបានខ្លាំងតាមដែលអាចធ្វើបាន ជាមួយនឹងវីដេអូដែលគួរឱ្យចាប់អារម្មណ៍ និងពាណិជ្ជកម្មដ៏អស្ចារ្យ។
មិនមានដែនកំណត់ចំពោះភាពពេញនិយមនៃហ្គេមលើឧបករណ៍ចល័ត
ឧស្សាហកម្មហ្គេមលើឧបករណ៍ចល័តកំពុងកើនឡើងប្រជាប្រិយភាពជាបន្តបន្ទាប់ ជាពិសេសក្នុងចំណោមមនុស្សជំនាន់ក្រោយ។ យោងតាមការស្រាវជ្រាវ ៧៧% នៃមនុស្សជំនាន់ Gen Z (កើតពីឆ្នាំ១៩៩៧ដល់២០១២) កំពុងលេងហ្គេមវីដេអូនៅលើឧបករណ៍ចល័តរបស់ពួកគេ។ កត្តានេះមិនកើតឡើងតែចំពោះមនុស្សជំនាន់ Gen Z ទេ ដោយមានទិន្នន័យបង្ហាញថា មនុស្សជំនាន់អ្នកផ្សេងទៀតក៏លេងហ្គេមដែរ ដោយជាង ៧០% នៃមនុស្សជំនាន់ millennials (កើតពីឆ្នាំ១៩៨២ ដល់១៩៩៦) ក៏ជាអ្នកចូលចិត្តលេងហ្គេមផងដែរ។ លើសពីនេះ ជាង ៥០% នៃមនុស្សជំនាន់ Gen X (កើតពីឆ្នាំ១៩៦៥ ដល់ ១៩៨០) បានកម្សាន្តអារម្មណ៍ដោយការលេងហ្គេមលើឧបករណ៍ចល័តរបស់ពួកគេ ហើយ ៣០% នៃមនុស្សជំនាន់ Baby boomers (កើតពីឆ្នាំ១៩៤៦ ដល់ ១៩៦៤) ក៏មានចំណាប់អារម្មណ៍ដូចគ្នាដែរ។
ជាងនេះទៀត ផ្នត់គំនិតយេនឌ័ពាក់ព័ន្ធនឹងការលេងហ្គេមឥឡូវនេះត្រូវបានបំបាត់ចោលហើយ ដោយលទ្ធផលនានាបានបង្ហាញឱ្យឃើញថា ស្ត្រីជាង ៥០% លេងហ្គេមកម្សាន្តធៀបនឹង ៤៩% កាលពីមុន។
ការផ្សាយពាណិជ្ជកម្មតាមហ្គេមលើឧបករណ៍ចល័តបើកទ្វារទៅកាន់ពិភពនៃលទ្ធភាពថ្មី សម្រាប់ការឈានទៅដល់ទស្សនិកជននៅទូទាំងពិភពលោក ឆ្លងកាត់ក្រុមអាយុផ្សេងៗគ្នា និងផ្តល់ជូនទិន្នន័យសំខាន់ៗអំពីអ្នកប្រើប្រាស់។
គ្រាន់តែកាលពីឆ្នាំមុន អ្នកលេងហ្គេមបានទាញយកហ្គេមលើឧបករណ៍ចល័ត ៨២,៩៨ពាន់លានហ្គេម! ការទាញយកនេះបង្កើតប្រាក់ចំណូលច្រើនជាងពាក់កណ្តាលនៃប្រាក់ចំណូលសម្រាប់ Google Play និង Apple Store។ ដោយគ្មានអ្វីដែលត្រូវឆ្ងល់ ហ្គេមលើឧបករណ៍ចល័តមានលទ្ធភាពដ៏ធំសម្បើម ហើយអ្នកទីផ្សារអាចប្រើប្រាស់ទិដ្ឋភាពដ៏សំខាន់នេះ ដើម្បីទាក់ទាញទស្សនិកជនគោលដៅរបស់ពួកគេ។
ប្រើប្រាស់ហ្គេមលើឧបករណ៍ចល័តសម្រាប់គោលបំណងផ្សាយពាណិជ្ជកម្ម
កាលពីពីរឆ្នាំមុនក្រុមហ៊ុននានាដូចជាក្រុមហ៊ុន AdColony បានដាក់ការផ្សាយពាណិជ្ជកម្មជាវីដេអូជាង ២,៤លានវីដេអូ ហើយជិតមួយឆ្នាំក្រោយមក ចំនួននោះបានកើនឡើងដល់ ៦លានវីដេអូ។ ច្បាស់ណាស់ កំណើន ៧៣% នៃការផ្សាយពាណិជ្ជកម្មតាមហ្គេមលើឧបករណ៍ចល័តបង្ហាញថា ការធ្វើការផ្សាយពាណិជ្ជកម្មលើទូរស័ព្ទស្មាតហ្វូនដំណើរការយ៉ាងអស្ចារ្យសម្រាប់អ្នកទីផ្សារ។
ជាមួយនឹងប្រព័ន្ធរបស់ក្រុមហ៊ុន AdColony អ្នកប្រើប្រាស់អាចសម្រេចចិត្តថា តើត្រូវមើលពាណិជ្ជកម្មពេញលេញដែលមានគុណភាពខ្ពស់ឬអត់។ វីដេអូផ្សាយពាណិជ្ជកម្មទាំងនេះផ្តល់ជូនបន្ថែមនៅក្នុងហ្គេម ដូច្នេះវាជាស្ថានភាពឈ្នះ-ឈ្នះរៀងៗខ្លួនសម្រាប់អ្នកផ្សាយពាណិជ្ជកម្ម និងអ្នកលេងហ្គេម។ ជាងនេះទៀត វីដេអូផ្សាយពាណិជ្ជកម្មត្រូវបានចាក់ផ្សាយមុន ដែលមានន័យថា អ្នកប្រើប្រាស់ត្រូវមើលយ៉ាងហោចណាស់ផ្នែកតូចមួយនៃការផ្សាយពាណិជ្ជកម្មនោះមុនពេលអាចបិទវាបាន។ ដូចទៅនឹងការផ្សាយពាណិជ្ជកម្មតាមឧបករណ៍ចល័តភាគច្រើនដែរ ការចាប់ផ្តើមវីដេអូមានសារៈសំខាន់បំផុតដើម្បីធានាថា អ្នកមើលបានចូលរួម និចង់ផ្សារភ្ជាប់ទំនាក់ទំនងនឹងការផ្សាយពាណិជ្ជកម្ម។
ការរកប្រាក់ពីហ្គេមលើឧបករណ៍ចល័តគឺជាជម្រើសដែលចង់បានបំផុតសម្រាប់អ្នកផ្សាយពាណិជ្ជកម្ម។ ការស្រាវជ្រាវរបស់ក្រុមហ៊ុន AdColony បានបង្ហាញភស្តុតាងដែលបង្ហាញថាអ្នកទីផ្សារចូលចិត្តវីដេអូក្នុងអ៊ែប និង IAPS បើធៀបជាមួយការរកប្រាក់។ គំនិតដ៏គួរឱ្យភ្ញាក់ផ្អើលមួយទៀតសម្រាប់ការផ្សាយពាណិជ្ជកម្មនៅក្នុងហ្គេមលើឧបករណ៍ចល័តគឺការផ្តល់ជូនជាកម្មវិធីផ្តល់រង្វាន់។ នៅពេលដែលអ្នកប្រើប្រាស់មើលវីដេអូរហូតដល់ចប់ ពួកគេនឹងទទួលបានរង្វាន់ក្នុងហ្គេមដោយអាស្រ័យលើអ៊ែបនោះ ដែលរង្វាន់នោះអាចជាវត្ថុ ឬឧបករណ៍ដែលបង្កើតឡើងដើម្បីបង្កើនបទពិសោធលេងហ្គេមរបស់ពួកគេ។
ពីមុនអ្នកប្រើប្រាស់ជាច្រើនបានប្រឆាំងនឹងការផ្សាយពាណិជ្ជកម្មក្នុងអ៊ែប ប៉ុន្តែតាមរយៈការដាក់ដំណើរការគោលគំនិត «មើលការផ្សាយពាណិជ្ជកម្មនេះរួចនឹងទទួលបានមាតិកាដែលមានគុណភាព» អ្នកប្រើប្រាស់កំពុងហាក់រៀនចូលចិត្តការផ្សាយពាណិជ្ជកម្មដែលមានការធ្វើសមាហរណកម្ម។ ទិន្នន័យដែលប្រមូលដោយក្រុមហ៊ុន Google Ad បានបង្ហាញពីកំណើន ៤០០% នៃការប្រាស្រ័យទាក់ទងជាមួយការផ្សាយពាណិជ្ជកម្ម និងតម្រូវការឱ្យមានវីដេអូដែលមានរង្វាន់កាន់តែច្រើន។ អ្វីដែលគួរឱ្យចង់ដឹងនោះ អ្នកលេងជាច្រើនចូលចិត្តមាតិកាផ្សាយពាណិជ្ជកម្ម ប្រសិនបើពួកគេអាចទទួលបានរង្វាន់ក្នុងហ្គេមដោយគ្រាន់តែមើលវីដេអូផ្សាយពាណិជ្ជកម្ម។ អ្នកប្រើប្រាស់ជាង ៧០% នៅសហរដ្ឋអាមេរិកបានសារភាពដោយបើកចំហថា ពួកគេមិនប្រកាន់ទៅនឹងការមើលវីដេអូពេញជាថ្នូរនឹងការទទួលរង្វាន់ទេ។
ក្រុមហ៊ុនផ្សាយពាណិជ្ជកម្មនានាបានចំណាយដើមទុនដ៏ធំសម្បើមលើការផ្សាយពាណិជ្ជកម្មគ្រប់ប្រភេទនៅលើឧបករណ៍ចល័ត។ ក្នុងឆ្នាំ២០២០ ក្រុមហ៊ុនបានចំណាយប្រហែល ២៤០ ពាន់លានដុល្លារ ហើយការវិនិយោគនោះបានកើនឡើងដល់ ២៩៨ ពាន់លានដុល្លារកាលពីឆ្នាំមុន។ ការព្យាករនាពេលអនាគតបង្ហាញពីកំណើនប្រចាំឆ្នាំចំនួន ២២% ក្នុងការចំណាយលើការផ្សាយពាណិជ្ជកម្មតាមឧបករណ៍ចល័តនៅដំណាច់ឆ្នាំ២០២២។ សរុបមក នេះគឺជាវិស័យដែលអ្នកទីផ្សារអាចធ្វើឱ្យមានភាពត្រចះត្រចង់ជាមួយនឹងមាតិការបស់ពួកគេ។ ឧស្សាហកម្មហ្គេមលើឧបករណ៍ចល័តតំណាងឱ្យគ្រប់ទិដ្ឋភាពដែលចង់បានទាំងអស់សម្រាប់អ្នកផ្សាយពាណិជ្ជកម្ម ដោយមានសក្តានុពលកំណើនដ៏ធំធេង ការបង្កើតទស្សនិកជន និងសន្តិសុហិរញ្ញវត្ថុ។ លើសពីនេះទៀត ហ្គេមលើឧបករណ៍ចល័តមានចំណែក ៥០% នៃអ្នកលេងទាំងអស់នៅជុំវិញពិភពលោក។ នោះពិតជាទីផ្សាររកប្រាក់ចំណេញដ៏កាក់កបសម្រាប់អ្នកផ្សាយពាណិជ្ជកម្ម ហើយទិន្នន័យស្ថិតិបង្ហាញថា វាគួរតែត្រូវបានវិនិយោគយ៉ាងច្រើន។
ហ្គេមដែលជាជម្រើសរបស់សាធារណៈជន
ប្រភេទហ្គេមលើឧបករណ៍ចល័តដែលពេញនិយមបំផុតគឺល្បែងផ្គុំរូប (២១,១៨%) បន្ទាប់មកគឺហ្គេមកាស៊ីណូ (១៨,៩%) និងហ្គេមយុទ្ធសាស្ត្រ (១៧,១៧%) ។ ប្រភេទហ្គេមទាំងនេះផ្តល់ឱកាសចម្បងសម្រាប់អ្នកផ្សាយពាណិជ្ជកម្មក្នុងការប្រមូលផ្តុំមាតិកាពាណិជ្ជកម្មរបស់ពួកគេ។ ហ្គេមលើឧបករណ៍ចល័ត កំពុងក្លាយជាម៉ូឌុលលេចធ្លោកាន់តែខ្លាំងឡើងនៃឧស្សាហកម្មហ្គេមដែលកាលពីមុនត្រូវបានគ្របដណ្ដប់ដោយហ្គេមលើកុំព្យូទ័រ និងហ្គេមលើឧបករណ៍លេងហ្គេម(console)។ បច្ចុប្បន្នយើងកំពុងជួបប្រទះការផ្លាស់ប្តូរគំរូប្រាក់ចំណូល។ ឥឡូវនេះ ហ្គេមលើឧបករណ៍ចល័តមានច្រើនជាង ៥២% នៃការលក់រាយហ្គេមទូទាំងពិភពលោក។ ជាងនេះទៀត ហ្គេមវីដេអូដែលរចនាឡើងសម្រាប់ទូរស័ព្ទស្មាតហ្វូនបានបង្កើតប្រាក់ចំណេញជាង ៩០ ពាន់លានដុល្លារក្នុងឆ្នាំ២០២១។ ការព្យាករនេះបង្ហាញថា នៅចុងឆ្នាំ២០២២ ប្រាក់ចំណូលនឹងកើនឡើងដល់ ១២០ពាន់លានដុល្លារ។
អ្វីដែលគួរឱ្យចាប់អារម្មណ៍នោះ ហ្គេមលើឧបករណ៍ចល័តមានប្រជាប្រិយភាពក្នុងចំណោមស្ត្រីជាងបុរស ដោយ ៦៥% នៃស្ត្រីអាយុពី ១០ ទៅ ៦៥ឆ្នាំ លេងហ្គេមនៅលើទូរស័ព្ទស្មាតហ្វូនរបស់ពួកគេ។ ស្រ្តី ៤៥% ជ្រើសរើសការកម្សាន្តបែបនេះច្រើនជាង ៥ដងក្នុងមួយសប្តាហ៍បើធៀបនឹងបុរសដែលមានតែ ៣៨%។ តាមទស្សនៈទីផ្សារ កត្តានេះបង្ហាញពីការវិនិយោគដែលអាចទុកចិត្តបានសម្រាប់ការផ្សាយពាណិជ្ជកម្មដែលផ្តោតលើចំណាប់អារម្មណ៍របស់ស្ត្រី។
ការផ្សារភ្ជាប់ទំនាក់ទំនងទៅនឹងវីដេអូពាណិជ្ជកម្ម និងការផ្សាយពាណិជ្ជ តាមទ្រឹស្តីគួរតែនាំមកនូវការចាប់អារម្មណ៍កាន់តែច្រើនលើស្ត្រី។ ដូច្នេះ ការកំណត់ទិសដៅទស្សនិកជនជាក់លាក់នេះ គួរតែទទួលបានមកវិញនូវកំណើនប្រាក់ចំណេញ ដោយសារស្ត្រីមានចំណែកភាគរយដ៏ច្រើននៃអ្នកលេងហ្គេម។ ទោះជាយ៉ាងណា ពួកគេជាច្រើនមានអារម្មណ៍ថា អ្នកបង្កើតអ៊ែបមើលរំលងតម្រូវការរបស់ពួកគេ។ ជាង ៦០% នៃអ្នកលេងហ្គេមជាស្ត្រីមានអារម្មណ៍ថា ហ្គេមភាគច្រើនត្រូវបានបង្កើតឡើងដោយផ្តោតខ្លាំងទៅលើបុរស។ ប៉ុន្តែ ហ្គេមដែលមានឈ្មោះថា Animal Crossing ឬ Candy Crush Saga គឺជាហ្គេមដ៏ជោគជ័យខ្លាំងមួយ។ កត្តានេះបង្ហាញថា ការវិនិយោគលើមាតិកាសម្រាប់ស្ត្រីមានសក្តានុពលដែលមិនធ្លាប់មានពីមុនមក ហើយគួរតែត្រូវបានពិនិត្យមើល។
អត្ថប្រយោជន៍នៃការផ្សាយពាណិជ្ជកម្មក្នុងហ្គេមលើឧបករណ៍ចល័ត
អ្នកទីផ្សារតែងតែស្វែងរកវិធីច្នៃប្រឌិតថ្មី ដើម្បីឈានទៅដល់ទស្សនិកជនកាន់តែទូលំទូលាយនៅទូទាំងពិភពលោក ហើយការផ្សាយពាណិជ្ជកម្មនៅក្នុងហ្គេមលើឧបករណ៍ចល័ត អាចគ្រាន់តែជាសំបុត្រមាសប៉ុណ្ណោះ។ វាជាមធ្យោបាយប្រកបដោយប្រសិទ្ធភាពនិងប្រសិទ្ធផលមួយក្នុងការផ្សារភ្ជាប់សាររបស់ម៉ាកយីហោមួយទៅកាន់អ្នកប្រើប្រាស់។ ការផ្សាយពាណិជ្ជកម្មក្នុងអ៊ែបផ្តល់ឱ្យក្រុមហ៊ុននានានូវទិន្នន័យ និងការវិភាគដ៏មានតម្លៃ ដើម្បីជួយបង្កើតលទ្ធផលយុទ្ធនាការ។
ការសិក្សាបានបង្ហាញរួចហើយពីសមត្ថភាព និងផលិតភាពនៃការផ្សាយពាណិជ្ជកម្មនៅក្នុងហ្គេមលើឧបករណ៍ចល័ត។ ជាមួយនឹងការអនុវត្តកម្មវិធីផ្តល់រង្វាន់ អ្នកប្រើប្រាស់កំពុងបើកចំហរចិត្តទៅកាន់ការផ្សាយពាណិជ្ជកម្មបែបលក្ខណៈលេចចេញឡើង (pop-up ads) ដោយរំពឹងថានឹងទទួលបានអត្ថប្រយោជន៍ដល់ការលេងហ្គេម។ ការស្រាវជ្រាវ និងទិន្នន័យបង្កើតអំណះអំណាងដ៏គួរឱ្យទាក់ទាញសម្រាប់ហេតុផលថាតើហេតុអ្វីបានជាម៉ាកយីហោនានាគួរតែផ្តោតលើមាតិកាផ្សាយពាណិជ្ជកម្មរបស់ពួកគេនៅក្នុងហ្គេមលើឧបករណ៍ចល័ត។ ច្បាស់ណាស់ ទីផ្សារហ្គេមនឹងបន្តរីកចម្រើន ហើយឧស្សាហកម្មផ្សាយពាណិជ្ជកម្មដែលមានការប្រកួតប្រជែងរួចហើយនោះ ចង់បង្កើតប្រាក់ចំណូលបន្ថែមជាមួយនឹងមាតិកាពាណិជ្ជកម្ម។ ដោយសារការពិតនេះ វាចាំបាច់ណាស់ដែលអ្នកទីផ្សារទទួលស្គាល់ និងយល់ពីឱកាសដ៏កាក់កបនៃការផ្សាយពាណិជ្ជកម្មក្នុងអ៊ែប។
ដោយសារឧស្សាហកម្មផ្សាយពាណិជ្ជកម្មមានភាពចង្អៀតខ្លាំង ម៉ាកយីហោនានានឹងចាំបាច់ត្រូវបង្ហាញភាពច្នៃប្រឌិត និងនវានុវត្តដ៏ល្អឯក ដើម្បីទាក់ទាញចំណាប់អារម្មណ៍របស់អ្នកប្រើប្រាស់ទាំងអស់។ ជាមួយនឹងប្រព័ន្ធរបស់ក្រុមហ៊ុន AdColony និងធ្វើអោយមាតិកាវីដេអូដែលមានគុណភាពខ្ពស់មានភាពទាក់ទាញ ចូរធានាថា ម៉ាកយីហោរបស់អ្នកនឹងដើរទៅមុខបាន។ ជាចុងក្រោយ ការផ្សាយពាណិជ្ជកម្មនៅក្នុងហ្គេមលើឧបករណ៍ចល័ត បង្ហាញពីឱកាសចំណេញសម្រាប់ម៉ាកយីហោ។ ទោះបីជាយ៉ាងណា អ្នកទីផ្សារគួរតែមានការប្រុងប្រយ័ត្នចំពោះការប្រកួតប្រជែងដ៏ធំ ហើយធានាថា ពួកគេកំពុងបង្កើតទាំងមាតិកាដែលគួរឱ្យចាប់អារម្មណ៍ និងប្រកបដោយភាពច្នៃប្រឌិត ដើម្បីទាញយកផលចំណេញពីឱកាសដែលកំពុងកើនឡើង និងទទួលបានមកវិញនូវផលចំណេញដ៏ច្រើនពីការវិនិយោគ៕
None
