តើអាស៊ីអាគ្នេយ៍គួរឆ្លើយតបយ៉ាងណាចំពោះបញ្ហាសម្ពាធពន្ធរបស់លោក ដូណាល់ ត្រាំ?
នៅក្នុងចំណោមបណ្តាប្រទេសទាំង១០នៅអាស៊ាន មានប្រទេសតិចបំផុត ដែលសហរដ្ឋអាម៉េរិក មានអតិរេកពាណិជ្ជកម្មជាមួយ។ ប្រសិនបើលោក ដូណាល់ ត្រាំ យកបញ្ហាន…
ធនាគារ JPMorgan ដែលជាឈ្មួញជូញដូរដុំមាសដ៏ធំបំផុតរបស់ពិភពលោកស្ថិតក្នុងចំណោមគ្រឹះស្ថានធនាគារធំៗមួយចំនួនដែលគ្រោងបញ្ចេញមាសនៅក្នុងខែកុម្ភៈ នេះ ដោយតាមការប៉ាន់ប្រមាណ ចំនួនមាសសរុបដែលគ្រឹះស្ថានធនាគារទាំងនោះគ្រោងបញ្ចេញមានចំនួន៩៣៣តោន ដែលជាចំនួនច្រើនបំផុតទី២ ចាប់តាំងពីឆ្នាំ១៩៩៤ មក។ ការព្រួយបារម្ភអំពីការដំឡើងពន្ធគយ ដែលអាចកើតមានឡើងក្រោយប្រធានាធិបតី ដូណាល់ ត្រាំ ឈ្នះការបោះឆ្នោតបានជំរុញឱ្យហាងឆេងមាសនៅទីផ្សារជួញដូរមាសអាម៉េរិក Comex ហក់ឡើងថ្លៃជាងនៅទីផ្សារជួញដូរមាសអង់គ្លេស។
ខណៈហាងឆេងមាសហក់ឡើងដល់កម្រិតកំណត់ត្រាកាលពីសប្ដាហ៍មុន ភាពខុសគ្នានៃហាងឆេងមាសរវាងនៅទីផ្សារជួញដូរមាសអាម៉េរិក និងទីផ្សារជួញដូរមាសអង់គ្លេស នេះបានធ្វើឱ្យធនាគារមួយចំនួនទទួលបានផលចំណេញយ៉ាងក្រាស់ក្រែល តាមរយៈការសម្រុកដឹកជញ្ជូនមាសចូលមកកាន់ទីផ្សារសហរដ្ឋអាម៉េរិកយ៉ាងគំហុក។
ទិន្នន័យបង្ហាញថា មាសត្រូវបានជួញដូររាប់រយតោនក្នុងមួយថ្ងៃៗនៅលើផ្សារជួញដូរមាសអាម៉េរិក Comex ប៉ុន្តែមានតែផ្នែកតូចមួយប៉ុណ្ណោះនៃមាសទាំងនោះដែលត្រូវបានចែកចាយដោយផ្ទាល់។ ចាប់តាំងពីការបោះឆ្នោតជ្រើសរើសប្រធានាធិបតីនៅសហរដ្ឋអាម៉េរិក មក ការកាន់កាប់មាសជាក់ស្តែងនៅលើផ្សារជួញដូរមាសអាម៉េរិក Comex បានកើនឡើង៣៦៨តោន ដែលគិតជាទឹកប្រាក់ស្មើនឹងប្រមាណ៣៨ពាន់លានដុល្លារ៕
ដោយ: តែម សុខុម
