កម្ពុជា គ្រោងបោះផ្សាយមូលបត្របំណុលហេដ្ឋារចនាសម្ព័ន្ធ ដើម្បីកៀរគរទុនសម្រាប់អភិវឌ្ឍន៍គម្រោងនានា
រាជរដ្ឋាភិបាលកម្ពុជា គ្រោងបោះផ្សាយលក់មូលបត្របំណុលហេដ្ឋារចនាសម្ព័ន្ធ ដើម្បីអនុញ្ញាតឱ្យក្រុមហ៊ុននានា អាចកៀរគរទុនយកទៅអភិវឌ្ឍន៍គម្រោងនានា។ បើត…
ឯកឧត្តម ខ្វៃ អាទិត្យា អ្នកនាំពាក្យក្រសួងបរិស្ថាន បានគូសបញ្ជាក់ថា ក្រុមការងារអន្តរក្រសួងបានរៀបចំសាងសង់បង្គោលអង់តែនទូរសព្ទនៅតំបន់ខ្នងផ្សារក្នុងភូមិសាស្រ្តស្រុកឱរ៉ាល់ ខេត្តកំពង់ស្ពឺ កាលពីដើមខែមីនា ឆ្នាំ២០២៥ កន្លងទៅនេះ ដែលមានលក្ខណៈសមស្របទៅនឹងភ្នំខ្នងផ្សារ ពោលគឺអង់តែនទូរសព្ទនឹងសង់ឡើងប្រកបដោយសោភណភាព មានរូបរាងដូចជាដើមឈើ និងមិនប៉ះពាល់តំបន់ទេសភាព ធនធានធម្មជាតិ ក៏ដូចជាជីវៈចម្រុះនៃតំបន់ទីលំហែបៃតងនេះនោះទេ ពោលគឺមិនដូចនឹងរូបភាព និងការលើកឡើងមួយចំនួននៅក្នុងបណ្តាញសង្គមឡើយ។ បើតាមអ្នកនាំពាក្យរូបនេះ បង្គោលអង់តែនទូរសព្ទនេះមានកម្ពស់ប្រមាណ១០ម៉ែត្រ នឹងដាក់បង្កប់ជាមួយដើមឈើនៅផ្នែកម្ខាងនៃកំពូលភ្នំខ្នងផ្សារ ហើយគម្រោងសាងសង់នេះនឹងអាចរួចរាល់នៅពេលឆាប់ៗខាងមុខនេះ។
សម្រាប់ឯកឧត្តម ខ្វៃ អាទិត្យា គម្រោងសាងសង់អង់តែនទូរសព្ទនៅតំបន់ខ្នងផ្សារនេះ ក៏ជាផ្នែកមួយជួយជំរុញការទាក់ទាញ និងផ្តល់ភាពងាយស្រួលបន្ថែមទៀតដល់ភ្ញៀវទេសចរដែលទៅកម្សាន្តនៅតំបន់នោះ ពោលគឺមិនត្រឹមតែជួយពង្រឹងដល់សេវាកម្មទេសចរណ៍បន្ថែមនោះទេ ហើយក៏ជាផលប្រយោជន៍យ៉ាងសំខាន់ដល់ការជួយអភិវឌ្ឍន៍ជីវភាពប្រជាពលរដ្ឋនៅតាមសហគមន៍មូលដ្ឋាន ឱ្យមានភាពល្អប្រសើរ និងកសាងសហគមន៍នូវតម្លៃភាពជាម្ចាស់នៃទីលំហែបៃតងនេះផងដែរ។
គួរជម្រាបថា រាជរដ្ឋាភិបាលកម្ពុជា ដាក់ផែនការដំឡើងបង្គោលអង់តែននៅតាមតំបន់ទេសចរណ៍ដាច់ស្រយាលឱ្យបានចំនួន១០០ដើម ដើម្បីលើកកម្ពស់គុណភាពសេវានៅតាមតំបន់គោលដៅទេសចរណ៍អាទិភាព និងតំបន់ទេសចរណ៍ដាច់ស្រយាល។ គម្រោងនេះទទួលបានការគាំទ្រ និងសាទរពីភ្ញៀវទេសចរ និងអ្នកជំនាញទេសចរណ៍យ៉ាងខ្លាំងផងដែរ៕
