តើម្ចាស់រោងចក្រសហគ្រាសគួរគិតគូរពីសុវត្ថិភាព និងសុខភាពកម្មករនិយោជិតបែបណានៅពេលមានការឡើងកម្តៅក្នុងរដូវប្រាំង?
ក្រសួងការងារ និងបណ្ដុះបណ្ដាលវិជ្ជាជីវៈ កាលពីពេលថ្មីៗនេះបានចេញសេចក្ដីណែនាំលើការពង្រឹងវិធានការលើកកម្ពស់សុវត្ថិភាព និងសុខភាពការងាររបស់កម្…
ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានគូសបញ្ជាក់ថា ការផលិតអំបិលរបស់កម្ពុជា នៅខេត្តកែប និងខេត្តកំពត មានទំនោរធ្លាក់ចុះខ្លាំងគួរឱ្យកត់សម្គាល់នៅឆ្នាំនេះ។ ជាក់ស្តែងនៅក្នុងរយៈពេល២ខែដើមឆ្នាំនេះ ការផលិតអំបិលរបស់ប្រជាកសិករសម្រេចបានតែជាង៧ពាន់២រយតោនប៉ុណ្ណោះ ធ្លាក់ចុះជិត២ម៉ឺនតោន បើធៀបនឹងទិន្នផលផលិតក្នុងរយៈពេលដូចគ្នាកាលពីឆ្នាំមុន ដែលមានរហូតដល់ជាង២ម៉ឺន៧ពាន់តោន។ ការធ្លាក់ចុះយ៉ាងគំហុកនេះ ត្រូវបានមន្រ្តីជាន់ខ្ពស់រូបនេះអះអាងថា គឺដោយសារអាកាសធាតុចុះត្រជាក់នៅដើមឆ្នាំនេះមានរយៈពេលយូរ គួបផ្សំមានភ្លៀងកក់ខែ ដែលធ្វើឱ្យមានការរាំងស្ទះដល់ការផលិតអំបិលរបស់ប្រជាកសិករ ដែលផ្ទុយគ្នាកាលពីឆ្នាំមុនមានបាតុភូតអែលនីណូ ដែលបានផ្តល់ភាពអំណោយផលដល់ការផលិតអំបិលនៅកម្ពុជា។
បើតាមការអះអាងរបស់ឯកឧត្តម ហេង សុខគង់ ទោះបីជាការផលិតអំបិលរបស់កម្ពុជា នៅ២ខែដើមឆ្នាំនេះមានការធ្លាក់ចុះក៏ពិតមែន តែវាទំនងជាមិនធ្វើឱ្យប៉ះពាល់ដល់ការផ្គត់ផ្គង់អំបិលនៅឆ្នាំនេះនោះទេ ព្រោះកម្ពុជា នៅសល់អំបិលក្នុងស្តុកកាលពីឆ្នាំមុនប្រមាណជាង៥ម៉ឺន៣ពាន់តោនឯណោះ។ ជាមួយគ្នានេះ រាជរដ្ឋាភិបាលកម្ពុជា ក៏ពុំមានផែនការនាំចូលអំបិលពីក្រៅប្រទេសមកបំពេញតម្រូវការប្រើប្រាស់ក្នុងស្រុកនោះដែរនៅឆ្នាំនេះ។
គួរជម្រាបថា បច្ចុប្បន្នកម្ពុជាមានផ្ទៃដីផលិតអំបិលនៅក្នុងខេត្តកែប និងខេត្តកំពត ជិត៤ពាន់ហិកតា ដោយបែងចែកជាស្រែហាល ស្រែបណ្ដុះ និងអូរទឹក។ នៅក្នុងឆ្នាំ២០២៤ កន្លងទៅ កម្ពុជា បានផលិតអំបិលនៅលើផ្ទៃដីប្រមាណជិត៣ពាន់ហិកតាប៉ុណ្ណោះ និងទទួលបានទិន្នផលរហូតដល់ជាង១៦ម៉ឺនតោន កើនលើសផែនការដែលបានកំណត់៕
