ហេតុអ្វីបានជាតម្លៃជ្រូករស់ និងសាច់ជ្រូកក្នុងស្រុកបន្តរក្សាបានស្ថិរភាពទីផ្សារល្អនៅមួយរយៈពេលចុងក្រោយនេះ?
តម្លៃជ្រូករស់ និងសាច់ជ្រូកនៅលើទីផ្សារបច្ចុប្បន្ន កំពុងរក្សាបានស្ថិរភាពល្អប្រសើរ បន្ទាប់ពីឆ្លងកាត់ដំណាក់កាលប្រឈម ដែលកសិករមិនអាចលក់ចេញបានក្នុ…
ថ្លែងសុន្ទរកថាទៅកាន់សភាអូស្ត្រាលីកាលពីថ្ងៃព្រហស្បតិ៍ លោកនាយករដ្ឋមន្ត្រីកាណាដា ម៉ាក ខានី (Mark Carney) បានលើកឡើងថា កាណាដា និងអូស្ត្រាលី គួរតែរួមគ្នាបង្កើតសម្ពន្ធភាពមហាអំណាចកណ្តាល ដើម្បីសរសេរច្បាប់ទម្លាប់អន្តរជាតិថ្មី ស្របពេលដែលសណ្ដាប់ធ្នាប់ពិភពលោក ដែលបានបង្កើតឡើងក្រោយសង្គ្រាមលោកលើកទី២ កំពុងប្រឈមនឹងភាពបែកបាក់។
ដោយរំលឹកពីប្រវត្តិសាស្ត្ររួមគ្នាក្នុងនាមជាប្រទេសប្រជាធិបតេយ្យ ដែលធ្លាប់ស្ថិតក្រោមអាណានិគមអង់គ្លេស អតីតអភិបាលធនាគារកណ្ដាលរូបនេះ បានសង្កត់ធ្ងន់ថា ប្រទេសទាំងពីរអាចដើរតួនាទីយ៉ាងសំខាន់ក្នុងការរក្សាតុល្យភាពអំណាចរវាងសហរដ្ឋអាម៉េរិក និងចិន។ លោកបានអះអាងថា ទោះបីជាមហាអំណាចយក្សមានសមត្ថភាពក្នុងការបង្ខំ ប៉ុន្តែការបង្ខំនោះតែងតែមកជាមួយនូវការចំណាយខ្ពស់ ទាំងផ្នែកហិរញ្ញវត្ថុ និងកេរ្តិ៍ឈ្មោះ។
លោកនាយករដ្ឋមន្ត្រីរូបនេះ បានបន្ថែមថា ទោះបីជាពិភពលោកត្រូវបានជំរុញដោយមហាអំណាចធំៗ ប៉ុន្តែវាក៏អាចត្រូវបានកំណត់ទិសដៅដោយក្រុមមហាអំណាចថ្នាក់កណ្ដាល ដែលមានភាពជឿជាក់លើគ្នា និងធ្វើសកម្មភាពប្រកបដោយភាពរហ័សរហួន ដើម្បីធានាបាននូវសុវត្ថិភាព និងវិបុលភាពសកល។ ក្រោយបញ្ចប់ទស្សនកិច្ចនៅអូស្ត្រាលី លោក គ្រោងនឹងបន្តដំណើរទៅកាន់ប្រទេសជប៉ុន ដើម្បីពិភាក្សាលើរបៀបវារៈដ៏មានសារៈសំខាន់នេះបន្ថែមទៀត។
សូមបញ្ជាក់ថា ប្រទេសដែលត្រូវបានចាត់ទុកថា ជាមហាអំណាចថ្នាក់កណ្ដាលរួមមាន កាណាដា, អូស្ត្រាលី, ប្រេស៊ីល, អេស្ប៉ាញ, កូរ៉េខាងត្បូង និងជប៉ុនជាដើម ដែលប្រទេសទាំងនេះសុទ្ធតែមានឥទ្ធិពលសេដ្ឋកិច្ច និងនយោបាយគួរឱ្យកត់សម្គាល់នៅក្នុងតំបន់ និងលើសកលលោក៕
ដោយៈ សរ សុជាតិ
