គ្រោះទឹកជំនន់ដ៏មហន្តរាយនៅថៃ បានលេបត្របាក់សេដ្ឋកិច្ចថៃ ឱ្យខាតបង់ជាង៤ពាន់លានដុល្លារ
ក្រៅពីធ្វើឱ្យមនុស្សប្រមាណ១០០នាក់ស្លាប់បាត់បង់ជីវិត គ្រោះទឹកជំនន់ដ៏មហន្តរាយនៅក្នុងប្រទេសថៃ ក៏បានធ្វើឱ្យប៉ះពាល់ដល់សេដ្ឋកិច្ចរបស់ប្រទេសនេះយ៉ាង…
ក្រុមមន្ត្រីចិន បាននិយាយថា មហាយក្សចិននឹងផ្តោតសំខាន់លើការកែលម្អបច្ចេកវិទ្យា ការកែលម្អការសម្របសម្រួលរវាងផ្លូវដែក ផ្លូវថ្នល់ ផ្លូវអាកាស និងកំពង់ផែ ហើយធានាថា តំបន់ក្រីក្រនានា ត្រូវបានតភ្ជាប់ហេដ្ឋារចនាសម្ព័ន្ធកាន់តែប្រសើរ។ ទោះជាយ៉ាងណា មន្ត្រីចិន និយាយថា គម្រោងហេដ្ឋារចនាសម្ព័ន្ធធំៗនឹងនៅតែបន្តតាមផែនការ។ តួយ៉ាងការសាងសង់កំពុងចាប់ផ្តើមលើគម្រោងផ្លូវដែកហូថាន-ឡាសា ប្រវែង១,៩៨០គីឡូម៉ែត្រ ដែលឆ្លងកាត់ភ្នំខ្ពស់ៗ និងតំបន់ត្រជាក់ខ្លាំង។ ហើយគម្រោងធំមួយទៀត គឺគម្រោងព្រែកជី ភីងលូ (Pinglu) ដែលមានប្រវែង១៣៤គីឡូម៉ែត្រនៅតំបន់ភ្នំស្វយ័តគ័ងស៊ី (Guangxi) នឹងបើកការដ្ឋានសាងសង់នៅឆ្នាំ២០២៦។
ទីក្រុងប៉េកាំង ក៏ចង់ដោះស្រាយបញ្ហារ៉ាំរ៉ៃផងដែរ ពាក់ព័ន្ធនឹងភាពកម្សោយនៃការច្របាច់ប្រព័ន្ធដឹកជញ្ជូនបញ្ចូលគ្នាឱ្យកាន់តែប្រសើរ។ ផែនការ៥ឆ្នាំបន្ទាប់ថ្មីនេះ ជំរុញឱ្យមានការចែករំលែកទិន្នន័យកាន់តែប្រសើរឡើងរវាងផ្លូវដែក កំពង់ផែ និងមជ្ឈមណ្ឌលភស្ដុភារកម្ម និងការបង្កើនរំហូរចរាចរណ៍ទំនិញកុងតឺន័រពីផ្លូវដែកទៅកាន់ផ្លូវទឹកនៅឆ្នាំ២០២៧។
នៅប៉ុន្មានឆ្នាំខាងមុខ ប្រទេសចិន នឹងដាក់ចេញនូវគម្រោងដឹកជញ្ជូនឆ្លាតវៃ សំខាន់ៗរួមទាំងការបើកបរឆ្លាតវៃ ការអភិវឌ្ឍរថភ្លើងល្បឿនលឿនដែលប្រើប្រព័ន្ធព្យួរអេឡិចត្រូម៉ាញេទិក (Maglev train) ដែលមានល្បឿនលឿនបំផុត និងប្រព័ន្ធដាក់បញ្ចូលយន្តហោះដែលហោះក្នុងកម្ពស់ទាបចូលទៅក្នុងបណ្តាញដឹកជញ្ជូនថ្នាក់ជាតិ ផងដែរ៕
ដោយ: តែម សុខុម
