អាកាសយានដ្ឋានអន្តរជាតិតេជោ ស្ថិតក្នុងគម្រោងស្ថាបត្យកម្មដ៏ធំ និងមានឥទ្ធិពលបំផុតទាំង១១លើពិភពលោកនៅឆ្នាំ២០២៥
អាកាសយានដ្ឋានអន្តរជាតិតេជោស្ថិតក្នុងគម្រោងស្ថាបត្យកម្មដ៏ធំ និងមានឥទ្ធិពលបំផុតនៅលើពិភពលោកទាំង១១នៅឆ្នាំ២០២៥នេះ។ នេះបើយោតាមការចុះផ្សាយរបស់…
តែទោះជាយ៉ាងណាក៏ដោយ មហាយក្សចិន ត្រូវបានក្រុមអ្នកជំនាញ និងអ្នកវិភាគជឿជាក់ថា នឹងបង្កើនការនាំចូលរ៉ែដែកឱ្យឈានដល់ជិត១,៣ពាន់លានតោននៅឆ្នាំនេះ ដើម្បីត្រៀមបំពេញតម្រូវការរបស់ពិភពលោក។ នេះបើយោងតាមការចុះផ្សាយរបស់សារព័ត៌មាន នីកេ អេស៊ា។
ក្រុមពាណិជ្ជករ និងអ្នកវិភាគបានវាយតម្លៃថា ការនាំចូលរ៉ែដែករបស់មហាយក្សចិន ទំនងជានឹងឡើងដល់កម្រិតខ្ពស់ជាថ្មីនៅឆ្នាំ២០២៥ នេះ ដោយសារចិន មានបំណងបង្កើនស្តុករ៉ែសំខាន់ៗ មានតម្លៃថោកៗសម្រាប់ត្រៀមបំពេញតម្រូវការនៅលើពិភពលោក ដែលរំពឹងនឹងកើនឡើងនាពេលខាងមុខ បើទោះបីជាវិបត្តិអចលនទ្រព្យ ដែលកំពុងបន្តអូសបន្លាយបានជះឥទ្ធិពលលើតម្រូវដែករបស់ចិន ក៏ដោយ។
តាមការប៉ាន់ប្រមាណការនាំចូលសមាសធាតុរ៉ែសម្រាប់បម្រើផលិតដែករបស់ប្រទេសនេះទំនងជានឹងកើនឡើងចន្លោះពី១០លាន ទៅ៤០លានតោន ដែលនាំឲ្យបរិមាណនាំចូលសរុបអាចឡើងរហូតដល់ជិត១,៣ពាន់លានតោននៅឆ្នាំនេះ។ រ៉ែដែកដែលចិន គ្រោងនាំចូល ត្រូវបានគេដឹងថា មានប្រភពមកពីផលិតកម្មរ៉ែដែក ដែលត្រូវបានទាញចេញពីអណ្តូងរ៉ែ នៅក្នុងប្រទេសអូស្រា្តលី និងប្រទេសប្រេស៊ីល។
ក្រុមហ៊ុនគ្រប់គ្រងទិន្នន័យអាជីវកម្មរ៉ែដែក Steel home បានអះអាងថា តម្លៃរ៉ែដែកដែលចិន គ្រោងបង្កើនការនាំចូលនៅឆ្នាំ២០២៥ មានតម្លៃចន្លោះពី៧៥ ទៅ១២០ដុល្លារក្នុងមួយតោនប៉ុណ្ណោះ ខណៈកាលពីឆ្នាំ២០២៤ មានតម្លៃចន្លោះពី៨៨ ទៅ១៤៤ដុល្លារក្នុងមួយតោន។
លោក មីឡេស អាល់សូប (Myles Allsop) ប្រធានក្រុមហ៊ុន UBS បានឲ្យដឹងថា ចិនអាចនឹងបង្កើនបរិមាណស្តុកដែកទុករហូតដល់១៧០លានតោន នៅក្នុងឆ្នាំ២០២៥ ខណៈកាលពីឆ្នាំ២០២៤ មានត្រឹមតែ១៤៧លានតោនប៉ុណ្ណោះ។ កាលពីឆ្នាំ២០២៤ កន្លងទៅ ប្រទេសចិនបានប្រមែប្រមូលទិញរ៉ែដែក ដែលដឹកតាមសមុទ្រលើស២ភាគ៣ នៃបរិមាណរ៉ែដែក នៅលើពិភពលោក ពោលគឺកើនឡើង៤,៣% បើធៀបនឹងឆ្នាំ២០២៣៕
ដោយៈ សរ សុជាតិ
