តើមានកត្តាអ្វីជំរុញឱ្យលោក ត្រាំ ទាត់ចោលសំណើសុំបន្ធូរបន្ថយពន្ធនាំចេញរបស់វៀតណាម ទោះប្រទេសនេះទម្លាក់ពន្ធមកនៅត្រឹម០%?
កាលពីពេលថ្មីៗនេះ ប្រធានាធិបតី ដូណាល់ ត្រាំ បានដាក់ពន្ធខ្ពស់កប់ពពកលើទំនិញនាំចូលពីប្រទេស និងដែនដីសរុបជាង១៨០ ទូទាំងពិភពលោក ហើយក្នុងនោះ…
មហាយក្សចិន ដែលមានប្រជាជនសរុបជាង១,៤ពាន់លាននាក់ និងមានសេដ្ឋកិច្ចធំបំផុតទី២នៅលើពិភពលោក បានប្ដេជ្ញាប្រយុទ្ធដល់ទីបញ្ចប់ក្នុងសង្គ្រាមពន្ធគយ ដែលបញ្ឆេះឡើងដោយសហរដ្ឋអាម៉េរិក ដើម្បីរក្សាស្ថិរភាពទីផ្សារ និងសេដ្ឋកិច្ចជាតិ។ ក្រសួងពាណិជ្ជកម្មចិន បានចេញសេចក្តីថ្លែងការណ៍មួយនៅថ្ងៃទី៨ ខែមេសា ថា ការគំរាមកំហែងរបស់សហរដ្ឋអាម៉េរិក ក្រោមរូបភាពដំឡើងពន្ធខ្ពស់លើប្រទេសចិន ជាកំហុសដ៏ធំបំផុតមួយ ហើយប្រសិនបើសហរដ្ឋអាម៉េរិក នៅតែមានះមិនព្រមបន្ទន់ជំហរទេ មហាយក្សចិន នឹងតស៊ូប្រយុទ្ធដល់ទីបញ្ចប់។
ការឆ្លើយតបរបស់មហាយក្សចិន បែបនេះ ធ្វើឡើងតែប៉ុន្មានម៉ោងប៉ុណ្ណោះ បន្ទាប់ពីប្រធានាធិបតីអាម៉េរិក លោក ដូណាល់ ត្រាំ បានប្តេជ្ញាដំឡើងពន្ធគយនាំចូល៥០% បន្ថែមទៀតលើប្រទេសចិន។ ការឆ្លើយតបដោយពាក្យសម្ដីធ្ងន់ៗនេះ ឆ្លុះបញ្ចាំងឱ្យឃើញថា មហាយក្សចិន នឹងមិនចុះញ៉មជាមួយសហរដ្ឋអាម៉េរិក ដោយងាយៗនោះឡើយ។
ទាក់ទិននឹងសេចក្ដីថ្លែងការណ៍របស់ក្រសួងពាណិជ្ជកម្មចិន ជុំវិញបញ្ហាពន្ធអាម៉េរិក នេះ លោកស្រី មីឆែល ឡាំ (Michelle Lam) អ្នកជំនាញសេដ្ឋកិច្ចចិន នៅធនាគារយក្សបារាំង សូស៊ីតេ ហ្សេណឺរ៉ាល់ អេសអេ (Societe Generale SA) បានលើកឡើងថា វោហាសាស្ត្រដែលមហាយក្សចិន បានប្រើ គឺធ្ងន់ៗណាស់ ហើយប្រសិនបើលោក ដូណាល់ ត្រាំ មិនបន្ទន់ជំហររបស់លោកទេនោះ បណ្ដាអ្នកវិនិយោគគួរត្រៀមលក្ខណៈប្រុងជើងការឱ្យហើយសម្រាប់ការផ្ដាច់ទំនាក់ទំនងពាណិជ្ជកម្មរវាងមហាអំណាចទាំងពីរ។
រដ្ឋាភិបាលចិន ហាក់បង្ហាញការប្ដេជ្ញាចិត្តជួយគាំទ្រដល់ទីផ្សារ តួយ៉ាងនៅសប្ដាហ៍នេះ ធនាគារកណ្តាលចិន បានធ្វើអន្តរាគមន៍បញ្ចុះតម្លៃប្រាក់យន់ ដើម្បីធ្វើឱ្យទំនិញនាំចេញរបស់ចិន កាន់តែមានភាពទាក់ទាញ។ ទន្ទឹមនេះ រដ្ឋាភិបាលចិន ក៏បានសន្យាផ្តល់ប្រាក់កម្ចីបន្ថែមទៀត ដើម្បីជួយរក្សាស្ថិរភាពទីផ្សារ ព្រមទាំងបានពិចារណាដាក់ចេញវិធានការស្ដារសេដ្ឋកិច្ចមួយចំនួនផងដែរ៕
ដោយ: តែម សុខុម
