ការលក់រាយរបស់ចិននៅខែតុលាកើនឡើងក្នុងល្បឿនលឿនបំផុតចាប់តាំងពីខែកុម្ភៈ

--សារព័ត៌មាន the Nikkei Asia បានរាយការណ៍ថា អត្រាកំណើនដែលសម្រេចបានកាលពីខែតុលា គឺសម្រេចបានលទ្ធផលប្រសើរជាងការរំពឹងទុកដែលគេបានព្យាករណ៍ទុកត្រឹមតែ៣,២% ហើយក៏លើសការព្យាករណ៍ត្រឹមកម្រិត៣,៨% ដែលស្ទង់មតិដោយ Bloomberg ។

លោក ហ្វូ លីនហួរ (Fu Linghui) អ្នកនាំពាក្យការិយាល័យស្ថិតិជាតិរបស់ចិន បាននិយាយថា នៅក្នុងខែតុលា ទំនុកចិត្តរបស់អ្នកប្រើប្រាស់ត្រូវបានជំរុញដោយកម្មវិធីឃោសនាផ្សេងៗ ព្រឹត្តិការណ៍ថ្ងៃឈប់សម្រាកថ្នាក់ជាតិ ក៏ដូចជាការកម្រើកឡើងនៃស្ថានភាពទីផ្សារភាគហ៊ុន និងអចលនទ្រព្យ។

កំណើននេះត្រូវបានជំរុញដោយកំណើននៃការលក់រថយន្តដែលបានកើនឡើង៣,៧%, ការលក់ឧបករណ៍ប្រើប្រាស់ក្នុងផ្ទះ និងឧបករណ៍អូឌីយ៉ូវីដេអូដែលបានកើនឡើងជាង៣៩%  ប៉ុន្តែទិន្នផលឧស្សាហកម្មបានធ្លាក់ចុះមកនៅត្រឹម ៥,៣% ។

ដោយៈ សរ សុជាតិ