លោក Tim Cook នាយកប្រតិបត្តិនៃក្រុមហ៊ុន Apple បានបញ្ជាក់ថា ក្រុមហ៊ុន នឹងបិទហាងទាំងអស់ នៅក្រៅពីប្រទេសចិន ជាបណ្តោះអាសន្នសិន តែយ៉ាងណា ការលក់តាមប្រព័ន្ធអនឡាញ នៅដំណើរការជាធម្មតា ដែលវិធានការនេះ គឺដើម្បីការពារបុគ្គលិក និងអតិថិជនរបស់ Apple។
លោក បន្តថា ក្រុមហ៊ុន នឹងផ្លាស់ប្តូរ របៀបរបបការងារ ឲ្យបត់បែនបាន នៅតាមការិយាល័យទាំងអស់ ជុំវិញសកលលោក ដោយបុគ្គលិកតាមផ្នែកមួយចំនួនរបស់ក្រុមហ៊ុន អាចធ្វើការពីខាងក្រៅបាន ហើយបើសិនជា ការងារ តម្រូវឲ្យ បុគ្គល នោះមកកាន់ទីកន្លែងធ្វើការ ចាំបាច់ត្រូវធ្វើតាមការណែនាំ ដើម្បីរក្សាគម្លាតនៃការប្រាស្រ័យទាក់ទងគ្នាជាមួយអ្នកដទៃ។
អត្ថបទគួរអាន
ទោះយ៉ាងណា ការបើកដំណើរការហាង ឡើងវិញនៅក្នុងប្រទេសចិន គឺដោយសារតែបញ្ហាមេរោគកូវីដ នៅក្នុងប្រទេសចិន មានភាពធូរស្បើយឡើងវិញច្រើន ហើយមេរៀនដែល ក្រុមហ៊ុន Apple បានសិក្សាពី បទពិសោធន៍នៃការបង្ការការឆ្លងមេរោគ គឺ កាត់បន្ថយការប្រមូលផ្តុំមនុស្ស និងរក្សាគម្លាតពី ការប្រាស្រ័យទាក់ទងគ្នា ក្នុងសង្គម។
គួរជម្រាបដែរថា ក្រុមហ៊ុន Apple ក៏បានបញ្ចេញថវិកាជាង ១៥លានដុល្លារអាមេរិក ចូលរួមក្នុងការទប់ស្កាត់ និងប្រយុទ្ធប្រឆាំងនឹង មេរោគកូវីដ ១៩ ទូទាំងសកលលោក៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
