ទីភ្នាក់ងារថាមពលអន្តរជាតិ ព្យាករថា តម្រូវការប្រេងរបស់ចិននឹងមាននិន្នាការធ្លាក់ចុះចាប់ពីឆ្នាំ២០២៧

ប្រទេសចិន ដែលជាមហាអំណាចសេដ្ឋកិច្ចធំបំផុតលំដាប់ទី២ នៅលើពិភពលោក មានតម្រូវការប្រេង៦០% នៃតម្រូវការប្រេងពិភពលោកអស់រយៈពេលមួយទសវត្សរ៍មកហើយ ប៉ុន្តែទីភ្នាក់ងារថាមពលអន្តរជាតិ (IEA) បានព្យាករកាលពីថ្ងៃអង្គារ ថា តម្រូវការប្រេងដ៏កំពូលរបស់ប្រទេសរនេះនឹងបញ្ចប់នៅត្រឹមចុងឆ្នាំ២០២៧ ដោយសារការកើនឡើងការប្រើប្រាស់រថយន្តអគ្គិសនីយ៉ាងឆាប់រហ័ស ការដាក់ឱ្យដំណើរការរថយន្តដឹកទំនិញដែលប្រើឧស្ម័នធម្មជាតិ រាវ និងការពង្រីកបណ្តាញផ្លូវដែកល្បឿនលឿនរបស់ចិន។

ទន្ទឹមនឹងនេះទីភ្នាក់ងារថាមពលអន្តរជាតិ បានទម្លាក់ការព្យាករតម្រូវការប្រេងរបស់ចិន ពីជាង១៨លានធុងបារ៉ែល មកនៅត្រឹមជាង១៦លានធុងបារ៉ែល ក្នុង១ថ្ងៃ នៅក្នុងឆ្នាំ២០៣០ ដែលបានឆ្លុះបញ្ចាំងពីនិន្នាការកំណើននៃការប្រើប្រាស់រថយន្តអគ្គិសនីនាពេលខាងមុខ និងការជំរុញគោលនយោបាយចំពោះរថយន្តអគ្គិសនី៕

ដោយ៖ សុខ មង្គល