តើចិនកំពុងលេងល្បែងអ្វីទាក់ទងនឹងផលិតកម្មទង់ដែង?

ការខ្វះខាតសំណល់អេតចាយដើម្បីបំពេញផលិតកម្មរោងចក្រចម្រាញ់ទង់ដែងនានានៅក្នុងប្រទេសចិន អាចជាបំណងអចេតនាមួយរបស់ទីក្រុងប៉េកាំង ដើម្បីកាត់បន្ថយការផ្គត់ផ្គង់ទង់ដែងចូលទៅកាន់ទីផ្សារ។ រោងចក្រកែច្នៃសំណល់អេតចាយទង់ដែងជាច្រើននៅក្នុងប្រទេសចិន គឺពឹងផ្អែកលើការបញ្ចុះតម្លៃពន្ធដែកអេតចាយពីរដ្ឋាភិបាលក្នុងតំបន់ ប៉ុន្តែបទបញ្ញត្តិថ្មី ដែលនឹងចូលជាធរមាននៅខែសីហា ខាងមុខ ដែកដាក់ចេញដោយទីក្រុងប៉េកាំង អាចនឹងប៉ះពាល់ដល់ផលិតកម្មទង់ដែងរបស់រោងចក្រចម្រាញ់នានា។

លោក ចេន ហ្សូសេន (Chen Xuesen) អ្នកនាំពាក្យនៃសមាគមឧស្សាហកម្មលោហៈមិនមែនដែករបស់ប្រទេសចិនបាននិយាយកាលពីពេលថ្មីៗថា ប្រហែល៣០% នៃផលិតកម្មទង់ដែង របស់ប្រទេសចិន គឺបានប្រើប្រាស់ដែកសំណល់អេតចាយជាវត្ថុធាតុដើម។

បច្ចុប្បន្នតម្រូវការប្រើប្រាស់ទង់ដែងនៅលើពិភពលោក គឺពឹងផ្អែកខ្លាំងនៅលើធនធានទង់ដែងពីចិន ប៉ុន្តែការសម្រេចចិត្តរបស់ចិនលើបញ្ហានេះនឹងធ្វើឲ្យតម្រូវការលោហៈនេះ ប្រឈមមុខនឹងកង្វះខាត។

ក្រៅពីទង់ដែង ក្រុមហ៊ុន Shanghai Metals Market បាននិយាយនៅក្នុងរបាយការណ៍មួយកាលពីសប្តាហ៍មុនថា គោលនយោបាយដែលចិនបានដាក់ចេញនេះ ក៏អាចរំខានដល់ការផលិតលោហៈធាតុផ្សេងទៀត ដែលប្រើប្រាស់សំណល់អេតចាយផងដែរ ជាពិសេស គឺអាលុយមីញ៉ូម និងសំណ៕
ដោយៈ សរ សុជាតិ ​