ទីផ្សារគ្រីបតូ កើនឡើងជាង៣០០ពាន់លានដុល្លារ ក្រោយលោក ត្រាំ គ្រោងប្រើគ្រីបតូធ្វើជាទុនបម្រុងអន្តរជាតិ របស់អាម៉េរិក
ប្រធានាធិបតីទី៤៧របស់សហរដ្ឋអាម៉េរិក លោក ដូណាល់ ត្រាំ កាលពីចុងសប្ដាហ៍កន្លងទៅ បានប្រកាសឈ្មោះរូបិយប័ណ្ណឌីជីថល ឬគ្រីបតូចំនួន៥ ដែលលោកគ្រោងនឹ…
មនុស្សជាច្រើនប្រហែលជាមិនស្គាល់ក្រុមហ៊ុន Mixue Ice Cream & Tea នោះទេ ប៉ុន្តែក្រុមហ៊ុនរបស់ចិន ដែលបង្កើតឡើងនៅក្នុងឆ្នាំ១៩៩៧ ដោយនិស្សិតឈ្មោះ ហ្សាង ហុងចាវ (Zhang Hongchao) មួយនេះ កំពុងរីកចម្រើនយ៉ាងខ្លាំងដោយមានសាខាច្រើនជាងសាខារបស់ក្រុមហ៊ុន McDonald និងក្រុមហ៊ុន Starbucks របស់អាម៉េរិក ទៅទៀត។
បើតាមក្រុមហ៊ុន មីស្វេ (Mixue) បានឱ្យដឹងថា ពួកគេមានហាងច្រើនជាង៤៥,០០០សាខានៅទូទាំងប្រទេសចិន និង១១សាខានៅប្រទេសផ្សេងទៀតរួមទាំងសិង្ហបុរី និងថៃ ផងដែរ ហើយក្រុមហ៊ុននេះគ្រោងនឹងបន្តពង្រីកសាខាថែមទៀត។ ចំណែកក្រុមហ៊ុន McDonald មានសាខាជាង៤៣,០០០ និងក្រុមហ៊ុន Starbucks មានសាខាជាង៤ម៉ឺនប៉ុណ្ណោះ។
នៅថ្ងៃចន្ទ ដើមសប្តាហ៍នេះ ភាគហ៊ុនរបស់ក្រុមហ៊ុនចិននេះ បានកើនឡើងជិត៣០% ដោយអាចកៀរគរទុនបានរហូតដល់៤៤៤លានដុល្លារ ពីការបោះផ្សាយមូលបត្រលើកដំបូង (IPO) នៅផ្សារមូលបត្រក្រុងហុងកុង។ ប្រជាប្រិយភាពរបស់ក្រុមហ៊ុន មីស្វេ (Mixue) បានកើនឡើងចំពេលប្រជាជនចិន កំពុងប្រឈមនឹងបញ្ហាផ្នែកសេដ្ឋកិច្ច រួមទាំងវិបត្តិអចលនទ្រព្យ និងការធ្លាក់ចុះទំនុកចិត្តរបស់អ្នកប្រើប្រាស់ គួបផ្សំការធ្លាក់ចុះអាជីវកម្ម ខណៈក្រុមហ៊ុននេះលក់ការ៉េមទឹកកក និងភេសជ្ជៈក្នុងតម្លៃជាមធ្យម០,៨២ដុល្លារក្នុងមួយកែវ៕
អត្ថបទ៖ សុខ មង្គល
