អត្ថបទពាណិជ្ជកម្ម

ធនាគារ CIMB ប្រកាសតែងតាំងប្រធាននាយកប្រតិបត្តិថ្មីបន្ដពី លោក ប៊ុន យីន ដែលបានចូលនិវត្តន៍


ដូចការគ្រោងទុក ធនាគារ CIMB នៅថ្ងៃទី ០១ ខែមេសា ឆ្នាំ២០២៥ បានប្រកាសតែងតាំង លោក ហុង ជៀប ជាប្រធាននាយកប្រតិបត្តិបន្ដពីលោក ប៊ុន យីន ដែលបានចូលនិវត្តន៍ពីតួនាទី ខណៈថ្នាក់ដឹកនាំធនាគារចាស់វស្សាមួយនេះ បានបំពេញការងារនៅក្នុងអាជីពក្នុងវិស័យធនាគារនេះមកអស់រយៈពេលជាង ៤០ឆ្នាំមកហើយ។
ធនាគារ CIMB ប្រកាសតែងតាំងប្រធាននាយកប្រតិបត្តិថ្មីបន្ដពី លោក ប៊ុន យីន ដែលបានចូលនិវត្តន៍
ដោយ
អំពី CIMB BANK

បើតាមសេចក្ដីប្រកាសព័ត៌មាន​របស់ធនាគារ CIMB លោក ហុង ជៀប ដែលជាប្រធាននាយកប្រតិបត្តិថ្មី គឺជាថ្នាក់ដឹកនាំមួយរូបមាន​ចំណេះដឹងជ្រៅជ្រះ និងបទពិសោធន៍ការងារជាច្រើនឆ្នាំ ក្នុងវិស័យធនាគារ នៃប្រទេសកម្ពុជា។ លោកបានចូលបម្រើការងារ និងដើរតួនាទីយ៉ាងសំខាន់ ក្នុងធនាគារ CIMB ចាប់តាំងពីឆ្នាំ២០១៣មកម៉្លេះ ក្នុងមុខតំណែងជា នាយកគ្រប់គ្រងហានិភ័យ របស់ធនាគារ CIMB អស់រយៈពេល ៥ឆ្នាំ ហើយក្រោយមកត្រូវបានតែងតាំងជា នាយកសេវាកម្មហិរញ្ញវត្ថុពាណិជ្ជកម្ម ក្នុងឆ្នាំ២០១៨។

ជាមួយគ្នានេះ លោកធ្លាប់បំពេញតួនាទីជា ប្រធាននាយកប្រតិបត្តិស្តីទី (Acting CEO) ដែលដឹកនាំ និងបន្តប្រតិបត្តិការរបស់ធនាគារ CIMB ពេលអវត្តមានរបស់ប្រធាននាយកប្រតិបត្តិ។ មិនតែប៉ុណ្ណោះ លោក ហុង ជៀប ក៏ធ្លាប់ដឹកនាំ ក្នុងមុខតំណែងជានាយកសេវាកម្មហិរញ្ញវត្ថុបុគ្គល រួមទាំងជានាយកសេវាកម្ម​ហិរញ្ញវត្ថុពាណិជ្ជកម្ម នៅពេលតែមួយ ក្នុងឆ្នាំ២០២១ផងដែរ។

មុនពេលចូលបម្រើការងារ នៅធនាគារ CIMB លោក ហុង ជៀប មានបទពិសោធន៍ការងារគួរឱ្យកត់សម្គាល់ លើមុខងារបម្រើសេវាកម្មអតិថិជន និងគ្រប់គ្រងហានិភ័យ ហើយលោកក៏ធ្លាប់បានបម្រើការងារជា នាយកគ្រប់គ្រងហានិភ័យ របស់ធនាគារបរទេសមួយ នៅក្នុងប្រទេសឡាវផងដែរ។

ជាមួយនឹងបទពិសោធន៍ការងារដ៏លេចធ្លោរបស់ខ្លួន លោក ហុង ជៀប មានចំណេះដឹងយ៉ាងស៊ីជម្រៅ លើការវិវឌ្ឍ ក្នុងទីផ្សារ និងតម្រូវការកើនឡើងរបស់អតិថិជន នៅប្រទេសកម្ពុជា។ លោកបានដើរតួនាទី​យ៉ាងសំខាន់ ក្នុងការដឹកនាំការអនុវត្តយុទ្ធសាស្រ្តសេវាកម្មហិរញ្ញវត្ថុពាណិជ្ជកម្មរបស់ធនាគារ ដោយសម្រេច​បានកំណើនឥណទានយ៉ាងឆាប់រហ័ស ព្រមទាំងរក្សាបាននូវគុណភាពទ្រព្យសកម្មល្អប្រសើរ បង្កើនទំហំប្រាក់បញ្ញើ លើកកម្ពស់សមត្ថភាព និងផលិតភាព នៃក្រុមការងារ រួមទាំងបង្កើនប្រាក់ចំណេញ និងភាពរីកចម្រើន សម្រាប់ធនាគារទាំងមូលផងដែរ។

សូមជម្រាបផងដែរ នៅក្នុង​បទសម្ភាសន៍ពិសេស​ជាមួយ សារព័ត៌មានឌីជីថល ខេមបូណូមីស កាលពីពេលថ្មីៗនេះ លោក ប៊ុន យីន បានគូសបញ្ជាក់ថា ក្រោយពីការចូលនិវត្តន៍ លើមុខតំណែងជា ប្រធាននាយកប្រតិបត្តិរូបលោកតែបន្តបំពេញមុខងារ ក្នុងក្រុមប្រឹក្សាភិបាល របស់ធនាគារ CIMB ក្នុងនាមជា អភិបាលមិនឯករាជ្យ។

ក្រៅពីការងារក្នុងតួ​នាទីជាក្រុមប្រក្សាភិបាល លោក ប៊ុន យីន បានបន្ថែមថា លោកនឹងចំណាយពេល ក្នុងការធ្វើលំហាត់ប្រាណជាប្រចាំ, ការអានសៀវភៅ និងចំណាយពេលឲ្យបានច្រើន​នៅជាមួយក្រុមគ្រួសារ ហើយអ្វីដែលជាគោដៅធំមួយទៀតនោះ គឺលោកមានបំណង​សរសេរសៀវភៅ​រៀបរាប់​អំពីបទពិសោធន៍ទាក់ទងនឹងការវិវត្តនៃវិស័យធនាគារ និងកិច្ចការមួយចំនួន​ដែលលោកបានឆ្លងកាត់​នៅក្នុងរយៈពេលជាង ៤ទសវត្សរ៍កន្លងមកនេះ៕




អត្ថបទបន្ទាប់


Vietjet ពង្រីកបណ្តាញហោះហើរជាសាកលជាមួយនឹងផ្លូវថ្មីចំនួនបួនរវាងវៀតណាម-ចិន

(ភ្នំពេញ ថ្ងៃទី ២ ខែមេសា ឆ្នាំ ២០២៥) – ក្រុមហ៊ុន Vietjet បានបើកដំណើរការសេវាកម្មហោះហើរដោយផ្ទាល់ថ្មីចំនួនបួនដែលតភ្ជាប់ទីក្រុងហាណូយ និងទ…

ឥណទាន ”MyQuickCash” របស់ធនាគារ ហត្ថា - រហ័ស និងងាយស្រួល ដើម្បីជាដំណោះស្រាយហិរញ្ញវត្ថុដល់អតិថិជនកាន់តែប្រសើរ

ធនាគារ ហត្ថា ម.ក ដែលជាក្រុមហ៊ុនបុត្រសម័្ពន្ធរបស់ ធនាគារ ក្រុងស្រ៊ី ដែលជាធនាគារពាណិជ្ជធំជាងគេលំដាប់ទី៥ នៅក្នុងប្រទេសថៃ និងជាសមាជិកនៃសម្ព…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ