ចិន បង្កើនការត្រួតពិនិត្យលើការនាំចូលផ្លែទុរេននៅតាមច្រកព្រំដែនជាមួយប្រទេសថៃ កាន់តែតឹងរ៉ឹង
ប្រទេសចិន កំពុងបង្កើនការត្រួតពិនិត្យលើផ្លែទុរេននាំចូលពីប្រទេសថៃ កាន់តែខ្លាំងឡើង ដ្បិតបារម្ភថា ទុរេនទាំងនោះបង្កគ្រោះថ្នាក់ដល់អ្នកទទួលទាន។ …
ភាពរំជើបរំជួលផ្នែកព័ត៌មានពាក់ព័ន្ធនឹងក្រុមហ៊ុនបញ្ញាសិប្បនិម្មិតចិន DeepSeek កាលពីពេលថ្មីៗនេះបានធ្វើសកម្មភាបចុះបញ្ជីក្រុមហ៊ុនបោះផ្សាយលក់ភាគហ៊ុននៅផ្សារហ៊ុនហុងកុង មានស្ថានភាពវិជ្ជមានគួរឱ្យកត់សម្គាល់នៅមួយរយៈចុងក្រោយនេះ បន្ទាប់ពីស្ងប់ស្ងាត់ចាប់ពីឆ្នាំ២០២១ មក។ ជាក់ស្តែងនៅក្នុងរយៈពេល៣ខែដំបូងនៃឆ្នាំ២០២៥ ដំណើការចុះបញ្ជីនៅក្នុងការជួញដូរភាគហ៊ុននៅផ្សារហ៊ុនហុងកុង មានចំនួន១៥ក្រុមហ៊ុន ដែលមានតម្លៃសរុបជាង២ពាន់លានដុល្លារ។
លោក ចច ចាន់ (George Chan) ប្រធានផ្នែកសម្របសម្រួលដំណើរការចុះបញ្ជីសម្រាប់ការជួញដូរនៅក្រុមហ៊ុន EY បាននិយាយថា ស្ថានភាពជួញដូរភាគហ៊ុននៅលើទីផ្សារភាគហ៊ុនហុងកុង នាដើមឆ្នាំនេះបានកម្រើកឡើងវិញគួរឱ្យកត់សម្គាល់។ លោកបានបន្តថា នេះជាព័ត៌មានវិជ្ជមានដែលមិនធ្លាប់មានអស់រយៈពេលជាង៣ឆ្នាំមកហើយ ស្របពេលភាគីពាក់ព័ន្ធនានា កំពុងធ្វើឲ្យប្រសើរនៅគ្រប់ប្រតិបត្តិការនៅក្នុងទីផ្សារភាគហ៊ុនហុងកុង។
មកដល់ពេលនេះ DeepSeek កំពុងជំរុញទំនុកចិត្តរបស់អ្នកវិនិយោគក្នុងតំបន់ ហើយបានជួយបង្កើនការចាប់អារម្មណ៍លើទីផ្សារភាគហ៊ុនហុងកុង។
អ្នកវិភាគបានលើកឡើងថា សន្ទស្សន៍នៃការជួញដូរនៅផ្សាហ៊ុន Hang Seng របស់ហុងកុង បានកើនឡើងដល់កម្រិតខ្ពស់មិនធ្លាប់មានក្នុងរយៈពេល៣ឆ្នាំកន្លងមកនេះ។ អ្នកវិភាគទាំងនេះ បានលើកឡើងថា នេះជាផលវិជ្ជមានមួយក្រោយពេលដែលប្រធានាធិបតីចិន លោក ស៊ី ជីនពីង បានរៀបចំកិច្ចប្រជុំដ៏កម្រមួយជាមួយសហគ្រិនផ្នែកបច្ចេកវិទ្យាកាលពីខែកុម្ភៈ ហើយទីក្រុងប៉េកាំង បានបង្ហាញពីការគាំទ្រកាន់តែខ្លាំងសម្រាប់វិស័យឯកជន ជាពិសេសនៅក្នុងវិស័យបច្ចេកវិទ្យាបញ្ញាសិប្បនិម្មិត៕
ដោយៈ សរ សុជាតិ
