កិច្ចប្រជុំពិភាក្សាអំពីការធ្វើប្រតិភូកម្មសិទ្ធិអំណាចពេញលេញជូនអង្គភាពថវិកាក្រោមឱវាទក្រសួង ស្ថាប័នចំនួន ១០
ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២៦ ខែសីហា ឆ្នាំ២០២៥ បានរៀបចំកិច្ចប្រជុំពិភាក្សា អំពីការធ្វើប្រតិភូកម្មសិទ្ធិអំណាចពេញលេញជូនអង្គភាពថវ…
លោក ដូណាល់ ត្រាំ ប្រធានាធិបតីទី៤៧របស់សហរដ្ឋអាម៉េរិក ដែលបានប្រកាន់យកគោលនយោបាយតម្កល់ផលប្រយោជន៍អាម៉េរិកជាអាទិភាពទី១ បានព្រមានដំឡើងពន្ធបន្ថែមទៀតលើប្រទេសណាដែលយកពន្ធឌីជីថលពីក្រុមហ៊ុនបច្ចេកវិទ្យាអាម៉េរិក។ ទន្ទឹមនេះ លោក ដូណាល់ ត្រាំ ក៏នឹងពិចារណាផងដែរអំពីការរឹតបន្តឹងការនាំចេញបច្ចេកវិទ្យា និងបន្ទះឈីបសំខាន់ៗរបស់សហរដ្ឋអាម៉េរិក ប្រសិនបើពន្ធឌីជីថលទាំងនេះដាក់លើក្រុមហ៊ុនបច្ចេកវិទ្យាអាម៉េរិក មិនត្រូវបានដកចេញទេនោះ។
លោក ត្រាំ បានហៅពន្ធឌីជីលទាំងនេះថា ជាការរើសអើង ហើយថា ប្រទេសទាំងនោះបានតម្រង់គោលដៅមកលើបណ្ដាក្រុមហ៊ុនអាម៉េរិកដូចជាក្រុមហ៊ុន Google ក្រុមហ៊ុន Apple ក្រុមហ៊ុន Facebook និងក្រុមហ៊ុន Amazon ជាដើមយ៉ាងអយុត្តិធម៌ ខណៈដែលប្រទេសទាំងនោះអនុញ្ញាតឱ្យក្រុមហ៊ុនបច្ចេកវិទ្យាចិនរកស៊ីពេញទំហឹងនៅលើទឹកដីរបស់ខ្លួនដោយរួចពន្ធ។
សូមបញ្ជាក់ថា ប្រទេសជាច្រើននៅអឺរ៉ុបបានអនុម័តច្បាប់ពន្ធឌីជីថល ដែលអនុវត្តចំពោះបណ្ដាក្រុមហ៊ុនបច្ចេកវិទ្យារបស់សហរដ្ឋអាម៉េរិក ហើយជាការឆ្លើយតបលោក ដូណាល់ ត្រាំ ថែមទាំងបានគំរាមដាក់ទណ្ឌកម្មលើមន្ត្រីសហភាពអឺរ៉ុបណា ដែលពាក់ព័ន្ធនឹងការអនុវត្តច្បាប់សេវាកម្មឌីជីថលរបស់ប្លុកអឺរ៉ុបទៀតផង។
គួររំឭកថា កាលពីដើមឆ្នាំនេះលោក ដូណាល់ ត្រាំ បានចាប់ផ្តើមបើកការស៊ើបអង្កេតឡើងវិញដែលអាចឈានទៅរកដល់ការយកពន្ធបន្ថែមទៀតលើប្រទេសនានាដូចជាបារាំង និងកាណាដាជាដើម ជុំវិញជម្លោះពន្ធឌីជីថលស្រដៀងគ្នានេះ៕
ដោយ: តែម សុខុម
