លោក ត្រាំ គំរាមដំឡើងពន្ធខ្ពស់កប់ពពកលើប្រេងរុស្ស៊ី បើក្រុងមូស្គូ រារាំងកិច្ចព្រមព្រៀងបញ្ចប់សង្គ្រាមនៅអ៊ុយក្រែន
ប្រធានាធិបតីអាម៉េរិក លោក ដូណាល់ ត្រាំ ខឹងមួម៉ៅក្ដៅចិត្តនឹងប្រធានាធិបតីរុស្ស៊ី លោក វ្ល៉ាឌីមៀ ពូទីន យ៉ាងខ្លាំង ហើយបានគំរាមដំឡើងពន្ធកប់ព…
កំពូលមហាសេដ្ឋី Elon Musk អះអាងថា លោកនឹងបញ្ចប់បេសកកម្មកាត់បន្ថយចំណាយរបស់រដ្ឋាភិបាលសហព័ន្ធអាម៉េរិក ឱ្យបាន១ទ្រីលានដុល្លារ នៅប៉ុន្មានសប្ដាហ៍ខាងមុខនេះ។ កំពូលមហាសេដ្ឋីរូបនេះបានប្រាប់សារព័ត៌មាន Fox News ថា លោកជឿជាក់ថា នាយកដ្ឋានប្រសិទ្ធភាពរដ្ឋាភិបាលអាម៉េរិក ក្រោមការដឹកនាំរបស់លោកនឹងអាចកាត់បន្ថយការចំណាយរបស់រដ្ឋាភិបាលសហព័ន្ធអាម៉េរិក បាន១ទ្រីលានដុល្លារ ពីការចំណាយសរុបប្រមាណ៧ទ្រីលានដុល្លារ ឱ្យមកត្រឹម៦ទ្រីលានដុល្លារ។
លោក Elon Musk ដែលជាកំពូលមហាសេដ្ឋីមានទ្រព្យសម្បត្តិច្រើនជាងគេលើពិភពលោកត្រូវបានប្រធានាធិបតី ដូណាល់ ត្រាំ ជ្រើសតាំងឱ្យដឹកនាំនាយកដ្ឋានប្រសិទ្ធភាពរដ្ឋាភិបាលអាម៉េរិក ដែលបង្កើតឡើងថ្មី ដោយកំណត់រយៈពេលនៃការបំពេញបេសកកម្មពិសេសរបស់លោកត្រឹម១៣០ថ្ងៃ។
លោក Elon Musk រំពឹងថា លោកនឹងអាចកាត់បន្ថយការចំណាយរបស់រដ្ឋាភិបាលសហព័ន្ធបាន១ទ្រីលានដុល្លារ នៅពេលអាណត្តិរបស់លោកចប់ ដោយគូសបញ្ជាក់ថា ថវិកាជាតិយ៉ាងច្រើនសន្ធឹកសន្ធាប់ត្រូវបានចំណាយខ្ជះខ្ជាយ និងកេងបន្លំ។ លោកជឿថា លោកនឹងអាចកាត់បន្ថយការចំណាយរបស់រដ្ឋាភិបាលអាម៉េរិក បានរហូតដល់ទៅ១៥% ដោយមិនធ្វើឱ្យប៉ះពាល់ដល់ការផ្ដល់សេវាសំខាន់ៗរបស់សហរដ្ឋអាម៉េរិក។
គិតត្រឹមថ្ងៃទី២៤ ខែមីនា នាយកដ្ឋានប្រសិទ្ធភាពរដ្ឋាភិបាលអាម៉េរិក (DOGE) បានអះអាងថា ខ្លួនសន្សំសំចៃថវិកាជាតិ បានចំនួន១១៥ពាន់លានដុល្លាររួចមកហើយតាមរយៈការកាត់បន្ថយការងារ ការលក់ទ្រព្យសកម្ម និងការលុបចោលកិច្ចសន្យានានា។ ទោះជាយ៉ាងណា តួលេខទាំងនេះមិនអាចផ្ទៀងផ្ទាត់បានទេ ហើយអាចនឹងមានការខុសឆ្គងដែលត្រូវកែតម្រូវ។
អ្នកជំនាញផ្នែកថវិកាបាននិយាយថា លោក Elon Musk មិនអាចសម្រេចបានគោលដៅកាត់បន្ថយចំណាយឱ្យបាន១ទ្រីលានដុល្លារនោះឡើយ ប្រសិនបើមិនកាត់ផ្ដាច់ជំនួយដល់កម្មវិធីនានា ដូចជាកម្មវិធីសន្តិសុខសង្គម ដែលលោក ដូណាល់ ត្រាំ បានសន្យាថា នឹងការពារជាដើមទេនោះ៕
