ចិន សម្រេចបានកំណើនសេដ្ឋកិច្ច៥% នៅឆ្នាំ២០២៥ តែអ្នកជំនាញចាត់ជាកំណើនលាក់បាំងបញ្ហា
ទិន្នន័យផ្លូវការចេញផ្សាយនៅថ្ងៃចន្ទ ទី១៩ ខែមករា ឆ្នាំ២០២៦ បានបង្ហាញថា សេដ្ឋកិច្ចចិនសម្រេចបានកំណើន៥% ក្នុងឆ្នាំ២០២៥ ដែលជាអត្រាកំណើនយឺតបំផុត…
បើយោងតាមការចុះផ្សាយរបស់សារព័ត៌មាន Thai PBS World កាលពីថ្ងៃទី១៩ ខែមករា លោក ហ្វ៊ូអាឌី បានបង្ហាញទស្សនៈថា បច្ចុប្បន្នអ្នកជំនាញការវ័យក្មេងរបស់ថៃ លែងសូវមានជំនឿចិត្តលើការពឹងផ្អែកទាំងស្រុងលើសហរដ្ឋអាម៉េរិក ដូចកាលពីមុនទៀតហើយ ដោយភាពជឿជាក់លើឋានៈជាសម្ពន្ធមិត្តយូរអង្វែងជាមួយក្រុងវ៉ាស៊ីនតោន បានធ្លាក់ចុះគួរឱ្យកត់សម្គាល់នៅក្នុងអាណត្តិដឹកនាំរបស់លោក ដូណាល់ ត្រាំ។
លោកសាស្ត្រាចារ្យរូបនេះបានបង្ហាញការភ្ញាក់ផ្អើលយ៉ាងខ្លាំងចំពោះភាពជឿនលឿននៃបច្ចេកវិទ្យារថយន្តអគ្គិសនី (EV) របស់ចិន តែលោកដាស់តឿនដល់ពលរដ្ឋថា ការប្រើប្រាស់ផលិតផលចិន កាន់តែច្រើននឹងធ្វើឱ្យរោងចក្រផលិតរថយន្តមួយចំនួននៅថៃ ត្រូវបង្ខំចិត្តបិទទ្វារ។ លោក ហ្វ៊ូអាឌី បានព្រមានថា បញ្ហាប្រឈមធំបំផុតនោះថា តើថៃ ត្រូវធ្វើដូចម្តេច ដើម្បីទទួលបានបច្ចេកវិទ្យាចិន ដោយមិនរងការកេងប្រវ័ញ្ច? ជាពិសេសនៅពេលដែលការនាំចូលទំនិញមានតម្លៃថោកពីចិន កំពុងគំរាមកំហែងដល់សហគ្រាសធុនតូច និងមធ្យមរបស់ថៃ។
ជាមួយគ្នានេះ លោក បានរំឮកពីមេរៀនប្រវត្តិសាស្ត្រកាលពីប៉ុន្មានទសវត្សរ៍មុនដែលថៃ ធ្លាប់ព្រួយបារម្ភពីការចូលមកដណ្តើមទីផ្សាររបស់ជប៉ុន រហូតមានការរិះគន់ក្រុមហ៊ុនជប៉ុនថា ជាសត្វសេដ្ឋកិច្ច។ ប៉ុន្តែនៅទីបំផុត ថៃ បានប្រើប្រាស់យុទ្ធសាស្ត្របណ្តាក់ទុនរួមគ្នារហូតអាចប្រែក្លាយជប៉ុន ឱ្យទៅជាដៃគូសេដ្ឋកិច្ចដ៏ជិតស្និទ្ធបំផុត។ លោកបានចោទជាសំណួរថា តើនៅពេលនេះ ថៃ អាចយកឈ្នះលើបញ្ហាប្រឈមដដែលនេះ ជាមួយប្រទេសចិន បានម្តងទៀតដែរឬទេ?៕
អត្ថបទៈ សួន ឡង់ទី
