ធនាគារ HSBC ត្រូវបានផាកពិន័យចំនួន ៨៥ លានដុល្លារ ក្រោយបរាជ័យលើដំណើរការប្រឆាំងការលាងលុយកខ្វក់
និយតករហិរញ្ញវត្ថុរបស់ចក្រភពអង់គ្លេសបានពិន័យ ធនាគារ HSBC ប្រមាណ ៨៥ លានដុល្លារ ក្រោយធនាគារដ៏ធំលំដាប់ពិភពលោកមួយនេះ បានបរាជ័យក្នុងដំណើរក…
ក្រសួងហិរញ្ញវត្ថុថៃ បានប្រកាសនៅសប្ដាហ៍មុននេះថា ក្រសួងមានផែនការនឹងយកពន្ធ ០,១% ចាប់ពីឆ្នាំក្រោយទៅ ចំពោះការជួញដូរមូលបត្រទាំងឡាយណា ដែលមានទំហំជួញដូរប្រចាំខែចាប់ពី ១លានបាត ឬស្មើនឹងប្រមាណ៣ម៉ឺនដុល្លារឡើងទៅ។ ក្រោយពីមានការប្រកាសឡើងបែបនេះ ការជួញដូរលើទីផ្សារមូលបត្រថៃ បានបង្ហាញសញ្ញាអវិជ្ជមានភ្លាមៗផងដែរ។
ទោះយ៉ាងណា ឥទ្ធពលអវិជ្ជមានទាំងនោះ ត្រូវបានគ្រប់គ្រងបានមកវិញ ដោយសារតែមូលនិធិវិនិយោគពីបរទេស និងអ្នកវិនិយោគជាច្រើន បានកែសម្រួលផលបត្ររបស់ពួកគេរួចទៅហើយ ខណៈដែលទីផ្សារ កំពុងឈានទៅដល់ថ្ងៃបិទការជួញដូរនៅអំឡុងថ្ងៃឈប់សម្រាប់ចុងឆ្នាំខាងមុខនេះ។
ទោះជាបែបនេះក្ដី លោក ផាខន ភីតាថាវ៉ាត់ឆៃ (Pakorn Peetathawatchai) ប្រធានទីផ្សារមូលបត្ររបស់ថៃ បានអះអាងថា ការកំណត់យកពន្ធលើការជួញដូរមូលបត្រពីសំណាក់រដ្ឋាភិបាលថៃ នឹងបង្កើនបន្ទុកចំណាយសម្រាប់អ្នកវិនិយោគ។
លោកផាខន បន្ថែមថា ទីផ្សារមូលបត្ររបស់ថៃ បានជាប់ជាជើងឯកប្រចាំតំបន់រយៈពេល ៧ឆ្នាំជាប់គ្នាទាក់ទងនឹងនឹង លំហូរសាច់ប្រាក់ងាយស្រួល (Liquidity) ហើយប្រាក់ចំណូលជាមធ្យមក្នុងមួយឆ្នាំ នៅក្នុងផ្សារមូលបត្រថៃ មានប្រហែល ២ពាន់៧រយលានដុល្លារអាមេរិក។ ប្រធានទីផ្សារមូលបត្រថៃរូបនេះ គូសបញ្ជាក់ទៀតថា បញ្ហានៃការប្រមូលយកពន្ធពីការជួញដូរមូលបត្រនេះ មិនមែនមានតែនៅប្រទេសថៃទេ ថ្មីៗនេះ នៅឥណ្ឌូនេស៊ី និងម៉ាឡេស៊ី ក៏កំពុងពិចារណាលើបញ្ហានេះដែរ ព្រោះតែរដ្ឋាភិបាលប្រទេសទាំងនេះ ចង់បានចំណូលពន្ធបន្ថែម ដើម្បីយកសាច់ប្រាក់មកប្រើប្រាស់ជំរុញដល់ការងើបឡើងនៃសេដ្ឋកិច្ច បន្ទាប់ពីការរាតត្បាតកូវីដ១៩។
តាមការវាយតម្លៃពីក្រុមហ៊ុនឈ្មួញជើងសារមូលបត្របានឲ្យដឹងថា រដ្ឋាភិបាលថៃ អាចនឹងរកបានចំណូលពន្ធប្រហែល៣០០លានដុល្លារអាមេរិកក្នុងមួយឆ្នាំ ពីការអនុវត្តគោលនយោបាយយកពន្ធលើការជួញដូរមូលបត្រនេះ។
ទីផ្សារមូលបត្រថៃ ក៏បានដាក់ជូនព័ត៌មានទៅកាន់ក្រសួងហិរញ្ញវត្ថុថៃឲ្យពិចារណាផងដែរ អំពីគោលនយោបាយពន្ធនេះ ដែលវាអាចប៉ះពាល់ទៅដល់ទីផ្សារមូលបត្រ ហើយវាក៏កាត់បន្ថយនូវសមត្ថភាពប្រកួតប្រជែងរបស់ទីផ្សារមូលបត្រថៃក្នុងក្របខណ្ឌសកលលោកផងដែរ។ ទីផ្សារមូលបត្រថៃ ស្នើឲ្យក្រសួងទុកពេលឲ្យអ្នកវិនិយោគបន្ថែម ដើម្បីឲ្យពួកគេបានត្រៀមខ្លួនជាមុនសម្រាប់ការអនុវត្តតាមគោលនយោបាយពន្ធនេះ៕None
