ម៉ាកនាឡិកាដ៏ល្បីនៅប្រទេសស្វីស Maurice Lacroix ឈានជើងចូលមកទីផ្សារកម្ពុជាជាផ្លូវការ

កម្មវិធីសម្ពោធបើកលក់ ម៉ាកនាឡិកាស្វីស Maurice Lacroix នៅកម្ពុជា បានធ្វើឡើងនៅថ្ងៃទី​២៤ ខែមីនា ឆ្នាំ២០២៦។ កម្មវិធីសម្ពោធនេះ ជាជំហានយុទ្ធសាស្រ្តថ្មីមួយរបស់ម៉ាកយីហោដ៏ល្បី ប្រចាំប្រទេសស្វីស​មួយនេះនៅកម្ពុជា ដែលជាការសាទរនៃនិមិត្តសញ្ញាសម័យថ្មី ពោរពេញដោយមហិច្ឆតា ភាពច្នៃប្រឌិត និងរសនិយមបុគ្គលរបស់អ្នកប្រើប្រាស់។

ក្រោមយុទ្ធនាការផ្សព្វផ្សាយសកល "Your Time is Now" នេះ បានឆ្លុះបញ្ចាំងពីជំនឿយ៉ាងមុតមាំរបស់ Maurice Lacroix ថាភាពជោគជ័យត្រូវបានកំណត់តាមរយៈសមទ្ធផលដែលសម្រេចបានជាច្រើនឆ្នាំកន្លងមក ហើយនិងការបង្ហាញខ្លួនក្នុងទីផ្សារជំនាន់ថ្មី។

លោក ហ្គាប្រ៊ីល បូណេត ដែលជានាយកផ្នែកលក់ទីផ្សារអន្តរជាតិនៃ Maurice Lacroix បានមាន​ប្រសាសន៍ថា៖ «កំណើនសេដ្ឋកិច្ចដ៏រឹងមាំរបស់ប្រទេសកម្ពុជា និងការកើនឡើងនៃ​មនុស្សជំនាន់ថ្មី​ដែលមានមហិច្ឆតាខ្ពស់ ធ្វើឱ្យពេលវេលានេះ ជាឱកាសដ៏ល្អឥតខ្ចោះសម្រាប់ Maurice Lacroix ចូលមកកាន់ទីផ្សារកម្ពុជា»។

បន្ថែមពីនេះទៀត លោកក៏បានលើកឡើងថា ម៉ាកយីហោ Maurice Lacroix ស្ថិតនៅក្នុងលំដាប់​ផលិតផលប្រណីត ដែលសមស្របទៅតម្រូវការ និងរបត់នៃការរស់នៅរបស់ប្រជាពលរដ្ឋកម្ពុជាសម័យថ្មី ដែលកំពុងតែវិវត្តន៍ទៅមុខយ៉ាងឆាប់រហ័ស ជាពិសេសក្រុមអ្នកប្រើប្រាស់នៅទីក្រុងភ្នំពេញ។

យោងតាមកញ្ញា ឌុក វ៉ាន់នីសា ប្រធានផ្នែកម៉ាកយីហោប្រណីត នៃក្រុមហ៊ុន អិលឌីអាយ អ៊ិនធឺប្រាយ អិលធីឌី បាននិយាយថា៖ «ម៉ាកយីហោល្បីរបស់ប្រទេសស្វីស Maurice Lacroix នេះ មានឥទ្ធិពល និងទំនាក់ទំនងយ៉ាងខ្លាំងទៅលើក្រុមមនុស្សជំនាន់ថ្មី ដែលឱ្យតម្លៃទាំងវប្បធម៌ និងរសនិយម​សម័យទំនើប»។ កញ្ញាក៏បានបន្តថា៖ « Maurice Lacroix ពិតជាសាកសមនឹងភាពប្រណីត និងតម្រូវការដែលកំពុងវិវត្តន៍ និងជឿនលឿនទៅមុខនៅក្នុងប្រទេសកម្ពុជា»។

លើសពីនេះទៅទៀត លោកជំទាវ គួច ណាវី នាយកប្រតិបត្តិនៃក្រុមហ៊ុន អិលឌីអាយ អ៊ិនធឺប្រាយ អិលធីឌី បានមានប្រសាសន៍ថា៖​«ប្រទេសកម្ពុជាកំពុងចូលដល់យុគសម័យថ្មី ដែលផ្ដោតសំខាន់ទៅលើកផ្នែកវប្បធម៌ និងសេដ្ឋកិច្ច។ ការស្វាគមន៍ Maurice Lacroix មកកាន់កម្ពុជា ឆ្លុះបញ្ចាំងពីការវិវត្តកាន់តែខ្លាំងឡើង ចំពោះសិប្បកម្ម ការច្នៃប្រឌិត និងម៉ាកយីហោប្រណីតលំដាប់ពិភពលោក សម្រាប់ក្រុមអ្នកប្រើប្រាស់ដែលនិយមចូលចិត្តប្រណីតភាព និងគុណភាពម៉ាកយីហោអន្តរជាតិ»។

ការអបអរសាទរក្នុងយុគសម័យថ្មី

ព្រឹត្តិការណ៍​សម្ពោធម៉ាកយីហោស្វីស Maurice Lacroix នៅ ដឹ ថាមស៊ីធី អេលីហ្សេ ​នេះ បានប្រមូលផ្តុំសហគមន៍អ្នកប្រើប្រាស់យីហោប្រណីតៗនៅកម្ពុជា អ្នកសារព័ត៌មាន និងសង្គមអ្នកនិយមប្រើប្រាស់នាឡិកាដៃក្នុងប្រទេសកម្ពុជា ដើម្បីឱ្យពួកគេទទួលបាននូវបទពិសោធន៍ថ្មីដ៏សម្បូរបែបនៅក្នុងកម្មវិធីនេះ។ អ្នកចូលរួម មានឱកាសបានស្វែងយល់ពីផលិតផលរបស់ម៉ាកយីហោនេះ ដែលមានវត្តមានក្នុងការតាំងបង្ហាញលក្ខណៈឯកជន នៅ ដឹ ថាមស៊ីធី រួមទាំងខូទ្បិចសិន AIKON ដែលជាម៉ូឌែលគោលមួយពោរពេញដោយការរចនាប្រណីតបែបសហសម័យ។

កម្មវិធីសម្ពោធ Maurice Lacroix នៅ ដឹ ថាមស៊ីធី បានរួមបញ្ចូលនូវការចាក់បង្ហាញវីដេអូអំពីម៉ាកយីហោនេះ រួមផ្សំនឹងផលិតផលនាឡិកាដៃដែលមានជាច្រើនជាជម្រើសស័ក្ដិសមនឹងតម្រូវការរបស់អ្នកប្រើប្រាស់។ ជាពិសេស ការបង្ហាញនេះ ក៏បានឆ្លុះបញ្ចាំងអំពីយុទ្ធនាការផ្សព្វផ្សាយសកល “Your Time is Now” ដែលមានន័យជាភាសាជាតិនោះគឺ «ពេលវេលារបស់អ្នកគឺឥឡូវនេះ» តាមរយៈពេលវេលា សិប្បកម្មនាឡិកាទំនើប និង ការរចនាដ៏ប្រណីត។

កម្មវិធីក៍មានការចូលរួមពីវិចិត្រករខ្មែរ-ញូហ្ស៊ីលែន លោក Pheap Tarr ដែលលោកនឹងបង្ហាញពីស្នាដៃសិល្បៈរបស់លោក លាយបញ្ចូលគ្នានឹងសិល្បៈដ៏ពិសេសរបស់ Maurice Lacroix នៅលើផ្ទាំងគំនូរ។

កម្មវិធីសម្ពោធ និងសន្និសីទសារព័ត៌មាននេះ នឹងជាឱកាសសម្រាប់អ្នកសារព័ត៌មាន អ្នកនិយមប្រើប្រាស់នាឡិកាដៃសម័យទំនើប រួមទាំងតំណាងមកពី Maurice Lacroix និងក្រុមហ៊ុន អិលឌីអាយ អ៊ិនធឺប្រាយ អិលធីឌី ពីទស្សនវិស័យទីផ្សារ ប្រណីតភាពដែលម៉ាកយីហោនេះនឹងផ្ដល់ជូនអ្នកប្រើប្រាស់ ជាពិសេសជាការសាទរនូវវត្តមានជាផ្លូវការរបស់ Maurice Lacroix នៅក្នុងប្រទេសកម្ពុជា។

អញ្ជេីញចូលរួមស្វែងយល់បន្ថែម

Maurice Lacroix សូមអញ្ជើញអតិថិជនកម្ពុជាដែលមានចំណាប់អារម្មណ៍លើម៉ាកយីហោស្វីសនេះ អញ្ជើញ​ចូលរួម ស្វែងយល់ពីផលិតផលនៅឯ ដឹ ថាមស៊ីធី អេលីហ្សេ ដើម្បីទទួលបាននូវបទពិសោធន៍​ដូចទៅនឹងយុទ្ធនាការសកល “Your Time is Now”។ Maurice Lacroix នឹងក្លាយជាចំណែកមួយ ក្នុងការជំរុញឱ្យអ្នកនិយម និងស្រឡាញ់នាឡិកា ធ្វើការបង្ហាញពីភាពជោគជ័យ និងអត្តសញ្ញាណរបស់ពួកគេ តាមរយៈនាឡិកាដែលមានភាពប្រណីត កើតចេញពីសិល្បៈសិប្បកម្មនាឡិកាស្វីស នវានុវត្តន៍ និងឆ្លុះបញ្ចាំងពីរបត់រស់នៅក្នុងសង្គមអភិវឌ្ឍន៍សម័យទំនេីប។

នេះគឺជាការចាប់ផ្តើមនៃជំពូកថ្មីមួយសម្រាប់អ្នកចូលចិត្តនាឡិកានៅក្នុងប្រទេសកម្ពុជា និងពង្រឹងការប្តេជ្ញាចិត្តរបស់ Maurice Lacroix ក្នុងការជម្រុញមនុស្សសម័យថ្មីឱ្យ មានស្តង់ដាពេលវេលាផ្ទាល់ខ្លួនប្រកបដោយប្រណីតភាព។

អំពី Maurice Lacroix

Maurice Lacroix ត្រូវបានបង្កើតឡើងក្នុងឆ្នាំ 1975 នៅ Saignelégier ប្រទេសស្វីស ហើយបានបន្ត បានកសាងកេរ្តិ៍ឈ្មោះរបស់ខ្លួននៅទូទាំងពិភពលោក។ Maurice Lacroix ជាម៉ាកយីហោមួយដែលបាន រួមបញ្ចូលនូវសិប្បកម្មនាឡិកាស្វីស ជាមួយនឹងការរចនាសហសម័យ និងប្រណីតភាព។ ម៉ាយីហោនេះ ត្រូវបានគេស្គាល់តាមរយៈវិស្វកម្មប្រកបដោយភាពច្នៃប្រឌិត និងការប្រមូលផ្ដុំខូទ្បិចសិនដ៏ល្បីល្បាញដូចជា AIKON ដែលម៉ាកយីហោនេះ បន្តជំរុញការផលិតនាឡិកាទំនើប ហើយនៅតែរក្សាប្រពៃណីនៃភាពជាក់លាក់ និងភាពច្នៃប្រឌិតរបស់ Maurice Lacroix។