foodpanda បានដាក់ឲ្យដណើរការជាផ្លូវការនូវសេវាថ្មីមួយទៀតដែលមានឈ្មោថា pandasend ជាសេវាដឹកជញ្ជូនរហ័សទាន់ចិត្ត ហើយជាដៃគូទុកចិត្តបាន សម្រាប់ហាងទំនិញ ភោជនីយដ្ឋាន អាជីវកម្មអនឡាញ និងអាជីវកម្មធន់តូច និងមធ្យម នានា។
លោក លី ថូ ជាបុគ្គលិកក្រុមហ៊ុនមួយរូប ដែលទើបនឹងប្រើប្រាស់មុខងារ pandasend នេះបាននិយាយថា៖ “ខ្ញុំធ្វើការជាមួយដៃគូច្រើន ហើយដៃគូនីមួយៗ នៅពេលដែលខ្ញុំចរចាកិច្ចព្រមព្រៀងរួច ដូច្នេះខ្ញុំត្រូវ ផ្ញើជាកិច្ចសន្យាឲ្យទៅគាត់ ។ ពីមុនមក ខ្ញុំប្រើជាសេវាដឹកជញ្ជូនរបស់ក្រុមហ៊ុននានា ហើយត្រូវចំណាយពេលមួយថ្ងៃពីរថ្ងៃទម្រាំទៅដល់ ទោះបីជានៅក្នុងភ្នំពេញក៏ដោយ។ ប៉ុន្តែ បន្ទាប់ពីមាន pandasend នៅលើ foodpanda មក ខ្ញុំមានអារម្មណ៍ថា សេវាកម្មលឿន ដោយគ្រាន់តែយើងហៅអ្នកដឹកតាម កម្មវិធី foodpanda បន្ទាប់មក អ្នកដឹកអាចមកយកឯកសារ ហើយយើងអាចបញ្ជូនឯកសារនោះទៅឲ្យដៃគូបន្ទាន់បានភ្លាមៗ” ។
កញ្ញា សាន សូនីតា ជាបុគ្គលិកនៅក្រុមហ៊ុននាទីក្រុងភ្នំពេញបានបញ្ជាក់ពីអារម្មណ៍បន្ទាប់ពីទទួលបានឯកសារដែលមានការបញ្ជូនតាម pandasend នេះថា៖“មានអារម្មណ៍ថាប្លែក ។ រាល់ដងធ្លាប់អ្នកដឹកទូរស័ព្ទមកថា អូហ៍បង! ម្ហូបបងមកដល់ហើយ ខ្ញុំចាំនៅក្រោម ។ ដល់ពេលឥឡូវគេទូរស័ព្ទមក អូហ៍បង! ឯកសារបងមកដល់ហើយ ខ្ញុំចាំនៅក្រោម! “
រហូតមកទល់នឹងពេលនេះ មានបណ្ដាអាជីវកម្មនានា ប្រមាណ ជាង ៨ ពាន់ ទីតាំងហើយ ដែលបានចាប់ដៃគូជាមួយនឹង foodpanda ។
កញ្ញា ហៃ វនាថ ប្រធានគម្រោង pandasend នៃ foodpanda បាននិយាយថា៖“កាលពីឆ្នាំ ២០២១ យើងបានបើកឲ្យដៃគូសហការរបស់ខាង foodpanda អាចស្នើអ្នកដឹករបស់ foodpanda យកទៅដឹកឲ្យគាត់បាន។ កាលនោះកំពុងពេញកូវីដ ។ …តាំងពីពេលនោះមក យើងបានបន្ត បញ្ចូលដៃគូសហការរហូតដល់ជាង ៨ ពាន់ ដៃគូសហការ ។ …នៅពេលដែលយើងមើលឃើញថា មានតម្រូវការប្រើសេវាកម្មនេះច្រើនទាំងអ្នកលក់អនឡាញ ទាំងអ្នកមិនមែនជាដៃគូសហការរបស់យើង ដូច្នេះខាង foodpanda ក៏បានសម្រេចចិត្តបើកសេវាកម្ម pandasend នេះឲ្យទៅខាងអតិថិជនទូទៅ គាត់ប្រើបានដូចគ្នានៅក្នុង app foodpanda ផ្ទាល់តែម្ដង។”
កញ្ញា ហៃ វនាថ ក៏បានបញ្ជាក់ពីរឿងងាយៗ ដែលអាចឲ្យអតិថិជនប្រើប្រាស់ pandasend នេះផងដែរ។
“ដៃគូសហការក៏គាត់ប្រើបាន គ្រប់គ្នាទាំងអស់ ទាំងបុគ្គលិកក្រុមហ៊ុន ឬមួយក៏អ្នកដែលភ្លេចសោរ ភ្លេចឆ្នាំងសាក អាចឲ្យអ្នកផ្ទះផ្ញើឲ្យបាន ឬមួយក៏ចង់ផ្ញើឯកសារ វិក្កយបត្រមួយចំនួនទៅកាន់ ខាងក្រុមហ៊ុនផ្សេងទៀតក៏អាចធ្វើបានដែរ”។
foodpanda គឺជាក្រុមហ៊ុនផ្ដល់សេវាដឹកជញ្ជូនម្ហូបអាហារ ទំនិញ និងសម្ភារៈប្រើប្រាស់ ដែលសម្រួលដល់ការរស់នៅប្រចាំថ្ងៃដល់អតិថិជន តាមរយៈកម្មវិធីចល័តរបស់ខ្លួន ដែលអាចទាញយកពី Apple App Store ឬ Google Play Store បាន។
