ក្រុមហ៊ុនធានារ៉ាប់រង ហ្វតតេ បន្តរក្សាចំណាត់ថ្នាក់ខ្ពស់ផ្នែកស្ថិរភាពហិរញ្ញវត្ថុពីភ្នាក់ងារវាយតម្លៃឥណទាន (GCR)

យោងទៅតាមលទ្ធផលនៃការវាយតម្លៃស្ថិរភាពហិរញ្ញវត្ថុរបស់ភ្នាក់ងារវាយតម្លៃឥណទាន (GCR) ក្រុមហ៊ុន ហ្វតតេ បន្តជាប់ចំណាត់ថ្នាក់ B+ លើភាពរឹងមាំផ្នែកហិរញ្ញវត្ថុ ក្នុងកម្រិតស្តង់ដាអន្តរជាតិ និងបន្តជាប់ចំណាត់ថ្នាក់ AA+(KH) ក្នុងកម្រិតស្តង់ដាជាតិ។

លោក ស៊ុយ​ ចាន់ថារ៉ុង អគ្គនាយក​ នៃក្រុមហ៊ុន ហ្វតតេ អ៊ិនសួរឹនស៍ (ខេមបូឌា) ម.ក បានបញ្ជាក់ពីមោទនភាពលើសមិទ្ធផលនេះថា៖“ក្នុងនាមជាក្រុមហ៊ុនធានារ៉ាប់រងក្នុងស្រុកដ៏ចំណាស់ជាងគេ និងមានឈ្មោះបោះសំឡេងបំផុតក្នុងប្រទេសកម្ពុជា ការទទួលបានការបញ្ជាក់ពី​ភ្នាក់ងារវាយ​តម្លៃឥណទាន GCR ជាថ្មីម្តងទៀតសម្រាប់ឆ្នាំនេះ គឺជាសក្ខីភាពមួយបង្ហាញពី​ភាពរឹងមាំនៃហិរញ្ញវត្ថុរបស់យើង។ ថ្វីបើវិបត្តិសេដ្ឋកិច្ចសកលបាននិងកំពុងប៉ះពាល់​ដល់វិស័យ​ផ្សេងៗក៏ដោយ ការផ្តល់ចំណាត់ថ្នាក់នេះបញ្ជាក់ពីការសម្របខ្លួន និងភាពរឹងមាំរបស់ ហ្វតតេ ក្នុងការគ្រប់គ្រងប្រតិបត្តិការហិរញ្ញវត្ថុ។ យើង​ជឿ​ជាក់​ថា សមិទ្ធផលនេះ​នឹង​បង្កើន​ទំនុក​ចិត្តបន្ថែមទៀតដល់​អតិថិជន និង​សាធារណជន​មកលើក្រុមហ៊ុន ហ្វតតេ។”

លោក​ ពិន និរន្ត នាយកប្រតិបត្តិហិរញ្ញវត្ថុ នៃនាយកដ្ឋានហិរញ្ញវត្ថុ នៃក្រុមហ៊ុនធានារ៉ាប់រង ហ្វតតេ គ្រុប បានមានប្រសាសន៍ថា៖ “ក្នុងនាមជាក្រុមហ៊ុនមេ ហ្វតតេ បន្តជាក្រុមហ៊ុនធានារ៉ាប់រងឈានមុខ​នៅលើទីផ្សារ ក្នុងនោះយើងទទួលបាន 45% ក្នុងចំណែកទីផ្សារធានារ៉ាប់រងទូទៅ (ផ្អែកលើបុព្វលាភរ៉ាប់រងដុល) និង 60% ក្នុងចំណែកទីផ្សារធានារ៉ាប់រងអាយុជីវិត (ផ្អែកលើមូលដ្ឋានអតិថិជន) នៅក្នុងប្រទេសកម្ពុជា។ ទិន្នន័យនេះបានជួយឱ្យក្រុមហ៊ុន ហ្វតតេ ក្លាយជាក្រុមហ៊ុនផ្តល់សេវាធានារ៉ាប់រងគួរជាទីទុកចិត្តបំផុតពីសំណាក់អតិថិជន។"

"អតិថិជនជាង 350,000 នាក់នៅទូទាំងប្រទេស ទទួលបានការការពារពីក្រុមហ៊ុន ហ្វតតេ អ៊ិនសួរឹនស៍ តាមរយៈផលិតផលសំខាន់ៗ​ជា​ច្រើន​ដែលជួយបម្រើដល់សហគមន៍របស់យើង រួមមាន៖អត្ថប្រយោជន៍ផ្នែកវេជ្ជសាស្ត្រ និងសុខភាពសម្រាប់បុគ្គលិក ធានារ៉ាប់រងលើអចលនទ្រព្យ និងសំណង់ ធានារ៉ាប់រងខ្នាតតូច និងកសិកម្ម ធានារ៉ាប់រងថាមពល ធានារ៉ាប់រងលើភស្តុភារកម្ម និងដឹកជញ្ជូន ធានារ៉ាប់រងលើយានយន្ត ក៏ដូចជាធានារ៉ាប់រងលើការធ្វើដំណើរ" លោក​ ពិន និរន្ត បានសង្កត់បន្ថែម។

ទន្ទឹមគ្នានឹងការអបអរសាទរខួបលើកទី 25 របស់យើងនេះដែរ ក្រុមហ៊ុន ហ្វតតេ បាននិងកំពុងបន្ត​ដំណើរឈានមុខគេ​ក្នុងវិស័យធានារ៉ាប់រងកម្ពុជា។ សមិទ្ធផលនេះបញ្ជាក់ពីការយកចិត្តទុកដាក់​របស់ក្រុមហ៊ុនធានារ៉ាប់រងមួយនេះ ក្នុងការផ្តល់ជូននូវដំណោះស្រាយធានារ៉ាប់រងដ៏ល្អបំផុត និងបង្ហាញពីវឌ្ឍនភាពនៃ​ទំនុកចិត្តរបស់អតិថិជន។ ជាមួយនឹងការគាំទ្រពី និយ័តករ អតិថិជន ដៃគូអាជីវកម្ម និងស្ថាប័នផ្គត់ផ្គង់​ ហ្វតតេ នឹងបន្តឆ្ពោះទៅមុខ​យ៉ាងមោះមុត ក៏ដូចជាពង្រីក​វិសាលភាព​​ទៅក្រៅតំបន់ ដោយផ្តល់នូវបទពិសោធន៍ និងអត្ថប្រយោជន៍ដ៏ប្រសើរជូនដល់អតិថិជន និងសហគមន៍។

ហ្វតតេ គឺជាក្រុមហ៊ុនឈានមុខគេក្នុងវិស័យធានារ៉ាប់រងទូទៅ នៅក្នុងតំបន់អាស៊ីអាគ្នេយ៍ ជាមួយចក្ខុវិស័យ​ក្នុងការផ្តល់ការការពារ និងសិទ្ធិអំណាចដល់បុគ្គលគ្រប់រូបក្នុងតំបន់ ដើម្បីអនាគត​កាន់តែប្រសើរឡើង ក្រោមពាក្យស្លោក “បុគ្គលម្នាក់អាជីវកម្មមួយ ក្នុងពេលតែមួយ”។

បង្កើតឡើងនៅប្រទេសកម្ពុជាក្នុងឆ្នាំ ១៩៩៩ ហ្វតតេ នៅតែផ្តោតសំខាន់ចំពោះបេសកកម្មរបស់ខ្លួន ក្នុងការផ្តល់ជូននូវផលិតផល និងសេវាកម្មធានារ៉ាប់រងប្រកបដោយភាពច្នៃប្រឌិត ការកសាង​សមត្ថភាព​​ជូននិយោជិត និងរួមចំណែកអភិវឌ្ឍន៍វិស័យធានារ៉ាប់រង ក្នុងទីផ្សារដែល​ខ្លួនបាននិងកំពុងប្រតិបត្តិការ។ ហ្វតតេ គឺជាក្រុមហ៊ុនធានារ៉ាប់រងដ៏ចំណាស់ជាងគេ និងធំជាងគេនៅក្នុង​ប្រទេស ដែលឈានមុខគេក្នុងទីផ្សារធានារ៉ាប់រងទូទៅ ផ្អែកលើទំហំបុព្វលាភសរុប​ជាមូលដ្ឋាន និងការធានារ៉ាប់រងអាយុជីវិត ដោយបានធ្វើការការពារដល់​បងប្អូនកម្ពុជាជាច្រើនគ្រួសារ។

ការផ្តល់ជូន ទាំងសេវាធានារ៉ាប់រងទូទៅ និងអាយុជីវិតនៅក្នុងប្រទេសកម្ពុជា និងការធានារ៉ាប់រង​ទូទៅ​ក្នុងប្រទេសឡាវ ក្រុមហ៊ុន ហ្វតតេ គឺជាដៃគូគួរជាទីពេញចិត្តរបស់ក្រុមហ៊ុន​ធានារ៉ាប់រង​អន្តរជាតិ​ជាច្រើន និងជាក្រុមហ៊ុនផ្តល់ដំណោះស្រាយធានារ៉ាប់រងជាក្រុមច្រើន​ជាងគេនៅក្នុងប្រទេសកម្ពុជា។

ហ្វតតេ ក៏ជាជម្រើសដ៏ល្អសម្រាប់អាជីពការងារ ជាពិសេសផ្តល់ការលើកទឹកចិត្ត និងជូនរង្វាន់​បុគ្គលិក​ដែលមានស្នាដៃ និងផ្តល់ឱកាសដល់បុគ្គលិកគ្រប់ៗរូបក្នុងការអភិវឌ្ឍ​អាជីព​ការងារតាមរយៈវគ្គបណ្តុះបណ្តាលនានាទាំងក្នុង និងក្រៅស្ថាប័ន។

ព័ត៌មានលម្អិត សូមចូលទៅកាន់៖ www.forteinsurance.com

ដោយឡែក GCR ជាភ្នាក់ងារវាយតម្លៃឥណទាន និងផ្តល់ការប្រឹក្សាយោបល់ឯករាជ្យលើហានិភ័យ​ហិរញ្ញវត្ថុឈានមុខគេ ហើយក៏ជាបុត្រសម្ព័ន្ធរបស់ Moody’s ផងដែរ បាននិងកំពុងប្រតិបត្តិការ និងផ្តល់នូវការយល់ដឹងអំពីភាពរឹងមាំ និងស្ថិរភាពហិរញ្ញវត្ថុរបស់ស្ថាប័នមួយ។

ព័ត៌មានលម្អិត សូមចូលទៅកាន់៖ https://gcrratings.com/about-us-2/